Intercambio Informativo #StudiaNaHulanda

June 17, 2017

Ministerio di Enseñansa conhuntamente cu Departamento di Enseñansa lo tene un anochi di intercambio informativo pa tur esnan cu ta bay studia na Hulanda e aña aki.

Durante e anochi aki lo enfoca riba e paso importante y grandi cu e studiante ta na punto di tuma.

Ademas di duna informacion relaciona cu biba y studia na Hulanda lo trata e expectativanan cu e studiante tin di e etapa nobo aki.

Registra

E studiantenan cu ta desea di participa na e Intercambio Informativo mester [registra] no mas tarda cu dia 14 di juni.

Encuesta

Na momento cu registra, e studiante lo ricibi un encuesta via email. Ta pidi e studiante pa yena e encuesta aki cual lo forma un base pa e intercambio, caminda na un manera interactivo lo debati tocante e expectativanany e experiencia di esnan cu ta studiando actualmente.

E studiantenan cu ta planeando pa bay studia na Hulanda ta keda cordialmente invita pa e anochi di informacion cu lo tuma luga diaranson dia 21 di juni proximo cuminsando pa 7or di anochi na e Auditorium di Colegio EPI.

 
 Wak Video: [Video 1: Focus] –  [Video 2: 1 Focus Diferente]

 


Info / Contact

Pa mas informacion por busca den e alfabet menu riba homepage: [A] Arubalening of [S] Studia na Hulanda of por tuma contacto cu: DEA > afdeling Studiefaciliteiten

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw