Inscripcion pa Landsexamen 2020

August 24, 2019

Seccion Examenbureau di Departamento di Enseñansa Aruba (DEA) ta informa cu inscripcion pa Landsexamen ta tuma luga den e periodo di 2 di september pa 30 di september 2019.



Entrante 2 di september 2019 e formulario pa inscribi ta obtenibel via e website di Departamento di Enseñansa Aruba [ea.aw] (busca Landsexamen bou di letter L den e alfabet menu).

Prome cu baha e formulario pa inscribi, por fabor lesa e “Informatiebrochure Landsexamen 2020”. Entrega e formulario hunto cu copia di tur documento necesario (p.e. certificado , diploma y e listanan di cifra obteni cu firma oficial) y copia di un extracto di registro di Censo di Aruba na balie di Examenbureau, [Belgiëstraat #2].

Tambe mester entrega un copia di e prome pagina di e formulario di inscripcion yena como prueba ku a entrega e formulario di inscripcion.

Candidatonan cu ta cumpli cu tur regla di inscripcion y a pasa e “screening” ta wordo notifica pa pasa entrega un copia di e  recibo di pago di por lo menos 1 materia (vak).

Si no entrega tur documento necesario of si e inscripcion drenta despues di dia 30 di september 2019, no ta procesa e inscripcion.


Participacion

Na landsexamen MAVO/HAVO/VWO 2020 por participa esnan:

1 a cu a entrega nan formulario di inscripcion na tempo (prome cu dia 1 october  2019), yena completo y na e instancia concerni.
b cu a paga na tempo e suma concerni pa por pasa examen.
c cu entrante 1 april 2020 tin e edad di:
  • 17 aña of mas pa por participa na e landsexamen mavo;
  • 18 aña of mas pa por participa na e landsexamen havo;
  • 19 aña of mas pa por participa na e landsexamen vwo.
2 Excluyendo punto 1, por participa tambe na landsexamen esnan cu ta bay un mavo, havo of vwo scol y cu kier logra un “1-vakdiploma” riba e mesun nivel di scol cu nan ta siguiendo. E materia aki no mag forma parti di e pakete di materianan cu e candidato a scoge na scol.

Certificadonan obteni na Aruba ta valido pa un periodo maximo di 10 aña entrante 1 augustus 2012. Esaki ta nifica cu certificadonan mas bieuw cu 10 aña no por wordo uza mas pa obtene un diploma di VWO, HAVO of MAVO.


Info / Contact

Pa mas informacion por busca [L] Landsexamen den e alfabet menu riba homepage of por tuma contacto cu DEA | Examenbureau

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw