Hogeschool Rotterdam

November 12, 2016

Hogeschool Rotterdam ta invita studiantenan di examenklas y esnan sin diploma cu kier bay sigui studia na un HBO opleiding pa e unico anochi di informacion dialuna dia 14 di november caminda lo trata e “21+ Toelatingstraject 2017” y e curso “Subi Jet Pa bo Get”.

21+ Traject

Bo NO tin bo HAVO/VWO/MBO diploma pa bo por drenta un HBO y sigui e opleiding cu semper bo tabata kier y bo tin e dedicacion y determinacion pa sigui studia? Esaki ta bo chance, awo Hogeschool Rotterdam ta brinda bo e oportunidad pa participa na nos 21+ Toelatingstraject aki na Aruba mes!

E trayecto aki ta consisti di un aanlegtest y maximo 4 toelatingsexamens. Si bo completa e trayecto aki cu exito, bo por drenta Hogeschool Rotterdam pa cuminsa e HBO opleiding di bo escogencia na september 2017 mes! Pa por participa na e trayecto aki, bo mester tin e edad di 21 aña of mas riba 1 di october 2017.

“Subi Jet pa bo Get”

Esaki ta pa kandidatonan cu ta den examenklas cu lo bay studia na Hogeschool Rotterdam na augustus 2017. Esaki ta BO oportunidad pa por participa na un curso di informacion hopi interesante, interactivo y leuk pa prepara abo y bo mayornan pa e paso nobo aki den bo bida.

Un punto hopi atractivo di tur esaki ta cu participando na e curso informativo aki bo por acumula bo prome studiepunten prome cu bo yega Hulanda. Un oportunidad cu Hogeschool Rotterdam so ta brindabo na Aruba.

Pa mas informacion ta invita tur interesado pa bin e unico anochi di informacion cu lo tuma luga dialuna 14 november den e Auditorium na Colegio EPI.

5:30 – 6:30 pm – Informacion 21+
6:30 – 7:30 pm – Informacion “Subi Jet”

Website: [Hogeschool Rotterdam – 21+ zonder diploma]

FaceBook: [Hogeschool Rotterdam Toelatingstraject 21+ Curacao en Aruba]

Contactpersoon HR Aruba Email: toelatingstraject21aruba@gmail.com | subijetpabogetaruba@gmail.com

 


Info / Contact

Pa mas informacion por busca den e alfabet menu riba homepage: [A] Arubalening of [S] Studia of por tuma contacto cu: DEA > afdeling Studiefaciliteiten

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw