Examen 2018

May 10, 2018

E temporada di examen a cuminsa dia 8 di mei. Segun cifranan di Departamento di Enseñansa Aruba (DEA) e aña aki al rededor di 2302 candidato ta participando na examen riba nivel di MAVO, HAVO, VWO, EPI y EPB.


Examen di Hulanda

Na Aruba nos ta haci uzo di examen di Hulanda. Mayoria examen di VWO (cu excepcion di geschiedenis (historia y Papiamento) y HAVO (cu excepcion di CKV, geschiedenis y Papiamento) ta bin for di Hulanda.

Pa loke ta trata MAVO, e examennan pa Engels, Wiskunde, NaSk 1 (natuurkunde), NaSK 2 (Scheikunde) y Biologie ta bin for di Hulanda.

Tambe ta haci uzo di e mesun “examenprogramma’s” y “eindtermen-documenten” cu Hulanda.


Examen di Aruba

Pa EPI, EPB (cu excepcion di 2 vak cu ta bin di Hulanda) y MAVO (cu excepcion di 5 vak cu ta bin di Hulanda) mayoria examen ta wordo traha na Aruba mes.

Un comision consistiendo di vakdocenten di e vak concerni ta traha e examen bou supervision di un “toetsconstructiedeskundige (TCD)” di Examenbureau. Tambe un “gecommitteerde” ta check e contenido di e examennan.

Trahamento di examen ta tuma luga durante henter e aña escolar, cu excepcion di examen pa EPI. Examen pa EPI ta wordo traha pa periodo, semester of module.


Cantidad ‘examenkandidaten’

 2017-2018 2016-2017 2015-2016
 MAVO:  +/- 746 697 693
 HAVO:  +/- 438 372 439
 VWO:  +/- 103 126 188
 EPI:  +/- 493 421 422
 EPB:  +/- 437 371 427
 Scol Practico pa Ofishi:  +/- 85 95 99
Avondonderwijs +/- no ta conoci 939 819

* cifra tentativo

 

Departamento di Enseñansa Aruba (DEA) ta desea tur candidato hopi exito cu nan examen!


Info / Contact

>  Dienst Inspectie van het Onderwijs
>  DEA > Examenbureau

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw