Search Facebook Instagram Twitter

Educacion Digital

March 19, 2020

Minister di Enseñansa, Ciencia y Desaroyo Sostenibel (Lampe) durante un Conferencia di Prensa dia 17 di maart ultimo a anuncia cu scolnan ta keda cera te cu 31 di maart, y a elabora riba e posibilidadnan di educacion digital.


Educacion digital

Mirando cu ta ser premira cu e ceramento aki lo por ta pa un periodo largo, mester cuminsa prepara pa adopta posibilidadnan di educacion digital. Mundialmente, hopi scol a wordo sera y segun UNESCO, ta bay over na “online classes”. Tin scolnan na Aruba ya ta usando tecnologia di “online learning”. Aki na Aruba, Gobierno a cuminsa for di aña 2018 pa digitalisa e enseñansa na Aruba.

Internacionalmente, hopi online learning sites ta ofreciendo nan servicio gratis caba den e tempo aki di coronavirus:

Otro ehempel ta ‘Examentrainer’ di learnbeat.nl cu ta ofrese un programa completo pa enseñansa personalisa. Esaki ta inclui entre otro training interactivo cu ‘echte examenopgaven’ pa e materianan Hulandes, Ingles, Frances, Biologie y Economie. Otro uitgeverijnan tambe ta ofrese materianan manera: Wiskunde, Natuurkunde, Scheikunde y mas.


Kennisnet

Kennisnet.nl, un fundacion funda pa organisacionan den educacion primario y secundario na Hulanda, ta conseha lo siguiente:

  1. Cada Scol/Schoolbestuur forma un ekipo pa pensa un plan y pa implementa esaki;
  2. Palabra claramente cual ta bai ta e plataforma digital unda e maestro y alumnonan lo topa otro;
  3. Wak cua materialnan educativo mester wordo usa pa logra e meta educacional planea;
  4. Por graba diferente instruccionan via canalnan online y stream esakinan;
  5. Usa testnan formativo pa indica e desaroyo.

Plataforma digital

Pa logra esaki, tin diferente plataforma digital cu ta wordo usa pa comunica y guia studiantenan online:

Na Hulanda:


Scolnan por crea nan facebook page y interactua pa medio di e mayornan cu e studiantenan. Por usa e leerlingvolgsysteem manera Magister. Pa muchanan cu no tin internet lo busca un solucion pronto pa nan haya e informacion rekeri, entre otro tin contacto cu TeleAruba. Tur scol a haya material di SAM digital y e code con pa yega na esaki. Otro siman lo tin acceso liber na e material aki riba ea.aw


Tur scol ta cera. Ta hasi excepcion pa eindexamenkandidaten. Schoolexamens lo continua y ta depende di cada scol pa organisa e forma y pa comunica cu e studiantenan. Schriftelijk eindexamen to continua na mei segun informacion cu nos ta dispone di dje for di Hulanda. Por planea sierto lesnan pa eindexamenkandidaten si online classes no ta suficiente. E ta conta pa voortgezet onderwijs y beroepsonderwijs, cu ta mas flexibel pa loke ta planificacion di examens. Mi ta gradisi tur cooperacion den bienestar di nos educacion.

Pa loke ta actividad di stage, tur ta suspendi, cu excepcion di esnan cu ta core stage den e sector di cuido, cu na e momentonan aki ta hopi necesario.

Cu tur e indicacionnan aki nos kier mustra cu no ta un periodo extra di vakantie tin, sino cu lesnan por continua di un manera digital y den forma di homeschooling.

Por wak e conferencia di prensa aki (Minister Lampe ta cuminsa na minuut 19:30):

Por lesa e comunicado aki:


Informacion oficial relaciona cu Coronavirus y Enseñansa


Info / Contact

Ministerio di Enseñansa

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets