Vocabulario Ortografico di Papiamento

March 16, 2015

Departamento di Enseñansa Aruba (DEA) ta participa cu e “buki blauw”, esta “Vocabulario Ortografico di Papiamento” ta obtenibel na Plaza Book Shop, Van Dorp y Bruna.

Vocabulario Ortografico di Papiamento ta un lista cu ta contene mas cu 17.000 palabra. Meta di e publicacion aki ta pa yuda e uzado ora e kier sa con pa skirbi palabra segun e ortografia di Aruba.

E vocabulario ta inclui palabra cu ta wordo uza tur dia, pero tambe algun palabra di antaño, nomber di mata cu pisca y algun nomber geografico.

E buki ta inclui un historia breve di ortografia di Papiamento como tambe un resumen di e reglanan di ortografia.

Despues di a ricibi hopi peticion pa e buki blauw, Departamento di Enseñansa a publica un di dos edicion, cu awor ta na benta pa Awg 25,-.

Esaki ta un oportunidad unico pa tur esnan cu ta desea di tin e buki practico aki den nan coleccion y kier haya sa con pa skirbi Papiamento corecto. Acerca bo libreria faborito pa adkiri bo propio “buki blauw”.

 


Info / Contact

Pa mas informacion por busca den e alfabet menu riba homapage: [P] Papiamento of [P] Proyecto Scol Multilingual por tuma contacto cu Departamento di Enseñansa Aruba (DEA).

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw