Dictado di Papiamento

February 20, 2013

Dia 21 di februari ta Dia Internacional di Lenga Materno. Un dia pa na Aruba tambe nos pone extra atencion na nos idioma Papiamento. Na e occacion aki e Comision Aña di Papiamento (2013) ta organisa E Gran Dictado di Papiamento.

 Na aña 20120 e poeta Rosabelle Illes a bin cu e tremendo idea pa tene un competencia di dictado. Cu cooperacion di Departamento di Enseñansa Aruba, Departamento di Cultura di Aruba, Grupo di Corector y Fundacion Lanta Papiamento a organisa un anochi dedica na nos idioma materno, cu un competencia di dictado. Como cu 2013 ta Aña di Papiamento y door di e exito di aña pasa, e Comision Aña di Papiamento a dicidi di organisa “E Gran Dictado di Papiamento” un biaha mas. 
download poster

E aña aki e dictado a ser redacta pa e conocido autor Sr. Quito Nicolaas y lo keda presenta pa Sr. Ramon Todd Dandaré Mag. Ling. E participantenan lo skirbi frase na Papiamento. Despues e hurado ta corigi e dictado. Ramon Todd Dandaré lo duna informacion tocante e dictado y ortografia di Aruba. Finalmente lo anuncia e ganadornan di dictado sigui pa entrega di e premionan corespondiente.

Un y tur ta invita pa bin pasa un rato ameno y educativo diasabra 23 di februari na Cas di Cultura. Bin pa demostra cu bo sa skirbi un bon Papiamento of simplemente si bo kier siña mas di con pa skirbi nos Papiamento corectamente.

Por inscribi di antemano pa participa na e dictado via e-mail dictado2013@gmail.com. Sea asina bon di pone bo nomber, telefoon, edad, scol y/of trabou. Tambe por inscribi na Departamento di Cultura.

Diasabra dia 23 di februari di 6 or te 6:45 or por registra, pa asina nos cuminsa 7:00 cu e dictado. Ta bay tin premionan sorpresa pa esnan cu sobresali.

 


Info / Contact

Pa mas informacion por busca den e alfabet menu riba homapage: [P] Papiamento of [P] Proyecto Scol Multilingual por tuma contacto cu Departamento di Enseñansa Aruba (DEA).

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw