Debate Nacional pa Hoben

March 14, 2017

Ministerio di Enseñansa hunto cu Parlamento Hubenil ta invita hobennan pa participa den un Debate Nacional cu lo tuma luga dia 30 di maart proximo durante un evento special den presencia di Su Altesa Real, Prinses Beatrix.

Pa por participa bo mester ta un hoben entre 16 cu 23 aña, y lo mester por domina e idioma Papiamento, Ingles of Hulandes.

Pa inscribi pa e debate mester simplemente manda un mensahe via e pagina di Facebook di Parlamento Hubenil, esta Youth Parliament Aruba – @YPAruba of manda un e-mail na youthparliamentaruba@gmail.com den cual bo ta introduci bo mes y e scol of organisacion cu bo lo representa. Tambe splica e motibo pakico bo lo kier participa.

Lo selecta 25 hoben pa participa. E hobennan aki lo tin oportunidad pa train tur diasabra di 9or di mainta pa 4or di atardi na Universidad di Aruba bou guia di Yolanda Richardson.

Inscribi awe mes y join e debate!

 


Info / Contact

Pa mas informacion por busca den e alfabet menu riba homepage: [M] Ministerio di Enseñansa

Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw