Deadlines pa Arubalening posponi
Pa motibo di e situacion di crisis ocasiona pa e coronavirus “COVID-19”, e diferente deadlines di aplicacion pa un Arubalening ta keda posponi te cu un proximo aviso.
Ta pidi studiantenan cu kier bin na remarca pa un Arubalening entrante augustus 2020 pa tuma bon nota di e procesonan adapta. Pa esaki mester acudi regularmente na nos website ea.aw como tambe facebook page @EducationAruba caminda nos lo publica tur informacion.
Documentonan di Censo
UPDATE: Studiantenan cu a registra caba y cu ainda mester entrega e documentonan cu ta rekeri pa busca na Censo, atencion:
- Tur studiante cu mester e documentonan di Censo pa e proceso di Arubalening, mester manda un email na arubalening@ea.aw cu nomber, fecha di nacimento y emailadres.
- Pone den subject: Peticion pa documento di Censo
Departamento di Enseñansa Aruba (DEA) lo comunica na Censo e lista di studiante cu a manda email cu peticion pa documento. Censo na su turno lo suministra e studiante via su email e documentonan rekeri. Censo lo informa e studiante tambe tocante e pago online di e documentonan.
Arubalening Portal
Aplicacion pa un Arubalening desde aña 2017 ta bay via di e Arubalening Portal. Primeramente e studiante mester registra pa un Arubalening Account. Cu su Arubalening Account e studiante por login den e Arubalening Portal pa asina cuminsa cu su proceso di aplicacion.
Importante: E studiante mester percura pa aplica cu un email adres valido cual lo wordo uza pa manda notificacion y informacion importante pa e studiante. Tambe ta rekeri di e studiante cu e ta log in regularmente den su Arubalening Portal pa verifica e status di su aplicacion.
Link pa Arubalening Portal
Riba e pagina [Arubalening Portal] por haya tur informacion di henter e proceso di aplicacion como tambe e links pa registra y/of login den e portal. Si ta haci uzo di e “top menu” di nos website, please tuma bon nota di e link corecto pa e Arubalening Portal:
- Arubalening Portal ta pa e studiante.
- LOGIN ta solamente pa personal di DEA.
Keda up-to-date
Ta sugeri pa studiantenan acudi regularmente na nos website ea.aw como tambe sigui nos via social media (facebook, twitter, instagram) @educationaruba.
Info / Contact
Pa preguntanan relaciona cu Arubalening: arubalening@ea.aw of 528 3400.
Pa mas informacion por busca [A] Arubalening den e alfabet menu riba homepage of por tuma contacto cu DEA seccion Studiafaciliteiten.
Scroll To Top
