DEA ta introduci website Enseñansa Aruba | ea.aw riba Dia di Enseñansa

July 1, 2011

Bonbini na nos website “Enseñansa Aruba”, un iniciativa di Departamento di Enseñansa Aruba (DEA), produci cu e intencion pa brinda un punto central di informacion relaciona cu Enseñansa na Aruba.

Dia 1 di Juli 2011, riba “Dia di Educacion y Enseñansa” na Aruba, Minister di Husticia y Enseñansa mr. drs. Arthur Dowers, durante un exposicion di proyecto y material pa scol, tabata tin e honor di lansa oficialmente e website Enseñansa Aruba | ea.aw.

Menu

E cantidad grandi di informacion cu a compila a conduci na e siguiente structura pa e website:

Main menu

Den e main menu, por haya informacion general relaciona cu e Organisacion, Maneho y Structura di Enseñansa na Aruba. Tambe por haya Noticia relaciona cu Enseñansa na Aruba, mientras cu Documento & Publicacion lo sirbi como un tipo di database caminda por ‘download’ diferente documento y/of publicacion manera entre otro relato anual, rapport, foyeto y formulario.

Alfabet Menu

Den e alfabet menu por haya un cantidad di topico relaciona cu Enseñansa na Aruba, den orden alfabetico. Cu tempo lo sigui amplia e lista aki segun cu ta necesario.

Top Menu

Aki por haya elementonan fiho cu ta inclui riba mayoria website manera sitemap, search option, informacion di contacto y Frequently Asked Questions (FAQ).

Un website tin diferente bentaha. E ta ofrece e posibilidad pa brinda un cantidad grandi di informacion riba 1 solo adres, e informacion por wordo actualisa regularmente y ta accesibel 24 ora pa dia, 7 dia pa siman, tanto local como internacional. Cu e website aki Departamento di Enseñansa ta spera di aporta na e necesidad grandi cu tin pa un bista completo di Enseñansa na Aruba.

 


Info / Contact

>  Departamento di Enseñansa Aruba (DEA)

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw