DEA Arubalening cu adaptacion di orario

July 18, 2019

Departamento di Enseñansa Aruba (DEA) ta informa cu diahuebs dia 18 di juli su seccion encarga cu Arubalening lo atende yamada solamente entre 10.00 di mainta y 12.00 di merdia y di 3.30 pa 4.30 di atardi.

Alabes ta informa cu diabierna dia 19 di juli e seccion encarga cu Arubalening lo ta cera pa publico.

E cambionan ariba menciona ta pa di e forma aki e seccion por logra procesa y finalisa e ultimo trabounan en conexion cu e studiantenan cu ta bay sigui cu nan estudio aki na Aruba y den exterior.

Dialuna dia 22 di juli e seccion encarga cu Arubalening lo brinda servicio na e orarionan di custumber.

Departamento di Enseñansa Aruba ta pidi disculpa pa cualkier inconveniencia cu esaki por ocasiona y ta gradici pa e comprension.



Info / Contact

DEA afdeling Studiefaciliteiten

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw