Arubalening pa studia na Aruba

May 13, 2020

Land Aruba ta brinda studiantenan un prestamo pa yuda cu gastonan di estudio: Arubalening. E studiante cu ta opta pa sigui studia na EPI, IPA of UA na Aruba tambe ta bin na remarca pa un Arubalening.


Procedura di aplicacion y deadlines

Aplicacion pa un Arubalening ta tuma luga via di e Arubalening Portal. E studiante mester cuminsa cu registra pa un Arubalening Account y cu e account aki e por login den e Portal pa sigui cu su proceso di aplicacion.

E proceso di aplicacion tin diferente deadlines. Studiantenan cu kier studia na Aruba tambe mester tene cuenta cu e deadlines aki si kier ricibi Arubalening entrante augustus 2020. No ta necesario pa warda te na momento cu haal un diploma pa cuminsa cu un proceso di aplicacion. Entrega di bo diploma ta un di e ultimo rekistonan.

Riba nos website por haya informacion di e sumanan cu por bin na remarca p’e den caso cu aplica pa un Arubalening pa Studia na Aruba sea na EPI, IPA of UA. Ta conseha tur studiante pa haci un calculacion di gastonan di estudio y haci un calculacion tambe di sumanan na disposicion di e studiante pa cubri e gastonan aki. A base di e calculacion aki por haci un escogencia consciente si ta aplica pa un Arubalening 2020-2021.

Pa registra pa un Arubalening Account:

Pa mas informacion di henter e proceso di aplicacion:

Pa informacion di deadlines pa bin na remarca pa un Arubalening entrante augustus 2020:


Info / Contact

EMAIL: arubalening@ea.aw

SOCIAL MEDIA: Facebook – Instagram

Pa mas informacion por busca [A] Arubalening of [S] Studia na Aruba den e alfabet menu riba nos pagina principal of por tuma contacto cu DEA afdeling Studiafaciliteiten.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw