Newcomer 2015


Enseñansa Primario

David Simon | Scol Preparatorio Washington

Meneer Dave tabata electriciën y a traha hopi aña como keurmeester. Pero semper ela gusta mucha y e tabata yuda den futbol di mucha y a traha como boluntario na Cas Pa Hubentud. Tambe e tabata yuda stranheronan cu les pa naturalistatietoets y e tabata gusta duna nan les.

Riba sugerencia di su casa ela bay studia pa maestro. Despues cu el a pasa e test di toelating na IPA ela laga su compania di electra y a bay pa e reto nobo.

Desde aña escolar 2014-2015 meneer Dave ta trahando como maestro na Scol Preparatorio Washington.

El a scohe conciente pa e edad di 4 pa 8 pa asina e por cuminsa yuda na e fundeshi. Su curason ta pa mucha. Mayornan ta describi meneer Dave como un persona cu semper ta felis y hopi pret. E ta super organisa y e ta pone su alumnonan bin scol cu hopi smaak. E ta enfoca hopi riba e confiansa propio di e mucha. Mayornan ta hay’e un persona ehemplar. Un role model pa e muchanan, pero tambe pa e mayornan.

Keep it up. Never give up. Because I love my job! Esaki ta meneer Dave su lema.


Enseñansa Secundario

Rolf van der Zande | Colegio Arubano

Meneer van der Zande ta maestro na Colegio Arubano. Su alumnonan ta gusta haya les di dje. Pakico? Tur les meneer van der Zande ta yega cu bon beis y e ta percura pa nan ta “in-tune” cune. Esey ta pone cu pa e resto di dia e alumnonan ta sinti nan sigur y contento cu nan tin un maestro cu tey pa yuda nan.

E alumnonan ta ripara cu tur dia e ta contento pa duna nan les y cu e ta haci’e cu hopi pasion y dedicacion. Dor di esey nan ta haya gana di ta den su les y nan ta haci nan best pa excel.

E ta un maestro cu ta zorg pa niun alumno keda atras.

Semper e ta dispuesto pa keda splica over and over again te ora nan compronde e delaster detaye. Niun dia su alumnonan a ripara cu e tin malbeis of ta fada di duna nan les. Tambe e ta bin tur biaha netjes bisti y esey ta inspira nan pa ta netjes.

E alumnonan ta nota meneer van der Zande su energia positivo.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw