Na April 2002 Gobierno di Reino Hulandes a introduci un ley cu ta exigi cu tur persona cu ta interesa pa ricibi e nacionalidad Hulandes mester pasa cu exito un Prueba di Naturalisacion (Naturalisatietoets) obligatorio.
Riba decision di Minister di Asuntonan Interior y Relacionnan di Reino, fecha 15 di december 2010, e Prueba di Naturalisacion entrante 1 di januari 2011 ta inclui tambe den e prueba di idioma 4 componente na e idioma Hulandes.
Di e forma aki e Prueba di Naturalisacion pa Aruba entrante e fecha aki riba menciona ta consisti di 1 componente di conocimento di nos comunidad y structura estatal, 4 componente di idioma Papiamento y 4 componente di idioma Hulandes.
Departamento di Enseñansa Aruba (DEA) pa medio di su seccion Examens en Toetsen ta encarga specificamente cu e prueba y no tin ningun participacion den henter e proceso di naturalisacion. Pa informacion relaciona cu e Prueba di Naturalisacion por tuma contacto cu seccion Examens en Toetsen na DEA, mientras cu pa naturalisacion mester tuma contacto cu Gabinete di Gobernador di Aruba.
E prome tanda ta tuma lugar den luna di september 2026, e di dos tanda ta tuma lugar den luna di oktober 2026.
E fechanan exacto cu e pruebanan lo tuma lugar ta wordo anuncia despues.
Inscripcion pa e Prueba di Naturalisacion 2026 ta habri dia 1 di juli 2026 pa 8’or di mainta. Na momento cu esaki yena, e inscripcion ta cera.
Por haya mas informacion di e documentonan cu mester upload na momento di inscribi aki:
Inscribi aki:
- Formulario digital di inscripcion pa Prueba di Naturalisacion 2026 (entrante 1 di juli 2026)
Un di e rekisitonan pa por obtene e paspoort Hulandes ta e certificado Prueba di Naturalisacion. E foyeto aki ta duna informacion tocante e procedura pa obtene tal certificado, con e prueba aki ta hinca den otro y con pa yega na remarca pa dispensacion parcial of completo pa e Prueba di Naturalisacion. Aki por download y lesa e foyeto:
