Search Facebook Instagram Twitter

World Down Syndrome Day 2019

March 21, 2019

World Down Syndrome Day (WDSD) ta un dia oficial di conscientisacion mundial, celebra pa United Nations desde aña 2012.


Dicon 21 di maart?

A scoge e di 21 dia di e di 3 luna pa ilustra e triplicacion di e di 21 chromosome cual ta causa Down Syndrome.

Pa WDSD 2019, Down Syndrome International ta enfoca riba “no laga niun hende atras”: Tur persona cu Down Syndrome mester tin e oportunidad na un bida completo, di wordo inclui riba un base igual cu otro, y den tur aspecto di sociedad.

E agenda 2030 di United Nations pa Desaroyo Sostenibel, un plan di accion global, tambe tin como compromiso pa no laga niun hende atras.



Scol Dununman

Na Aruba e muchanan cu down syndrome ta atende Scol Dununman, un scol basico di enseñansa special pa alumnonan cu hopi dificultad pa siña, “Zeer Moeilijk Lerende Kinderen” (ZMLK). E scol ta forma parti di e Stichting voor Verstandelijk Gehandicapten Aruba (SVGA).

E alumnonan, di edad 4 te cu 16 aña, tin un atraso den nan parti cognitivo, social-emocional y limitacionnan fisico. E meta di Scol Dununman ta pa ofrece enseñansa y guia adapta na e alumno caminda ta tene cuenta cu su nivel y posibilidad. Integracion y funcionamento optimal den nos comunidad ta hunga un rol esencial.


“Leave no one behind in Education”

Durante e “World Down Syndrome Day Conference” panelistanan lo trata topiconan specifico relaciona cu educacion y enseñansa di personanan cu Down Syndrome y discapacidad intelectual. Lo haci esaki pa medio di un sesion modera di pregunta y contesta.

Por sigui esaki “live” pa 10 or di mainta:
https://www.worlddownsyndromeday2.org/event/wdsd-new-york-2019


Info / Contact

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets