Screening: He Named Me Malala
Ministerio di Enseñansa di Aruba den cuadro di “Luna di Enseñansa“ tin e grato honor pa invita publico general pa un screening oficial di e documentario “He Named Me Malala“, diasabra dia 22 di oktober proximo.
 |
E evento aki lo enfoca riba e topico di educacion di mucha muher na Aruba y rond mundo.
Durante di e anochi Minister di Enseñansa Michelle Hooyboer-Winklaar lo dirigi su mes na publico y lo ilustra e ultimo informacion y datos pa loke ta e situacion di mucha muher den enseñansa na Aruba.
Tambe lo tin un discussion den un panel cu expertonan local cu lo elabora riba e ultimo desaroyonan riba e topico aki.
Como highlight di e anochi e publico por presencia e documentario di e popular Malala Yousafzai, un mucha muher orginalmente di Pakistan cu a bira e cara y voz pa derechonan di mucha muher pa haya enseñansa na su pais y rond di mundo. Un mucha muher cu un corage y determinacion enorme cu a wordo confronta cu un tragedia ora cu Taliban na su pais a purba silencia su voz.
Malala Yousafzai ta e recipiente mas jong na mundo di e prestigioso Premio Nobel di Paz pa tur su sacrificio y trabou como activista cu a para pa derecho di mucha muhernan rond mundo pa haya acceso na enseñansa.
 |
Un di e dichonan di Malala cu sigur hopi hende ta reconoce ta esun cu cual el a finalisa su discurso pa e asamblea general di Nacionnan Uni unda cu Malala a menciona “One child, one teacher, one book and one pen can change the world“.
E screening lo tuma luga diasabra dia 22 di oktober proximo di 6’or di atardi pa 10’or di anochi na Cas di Cultura.
Registra
Entrada ta gratis, sinembargo admision ta a base di registracion. Pa registra mester manda un email cu specificacion di nomber na: [a.werleman@arubagovernment.aw]
Documentario
Info | Contact
Pa mas informacion por busca den e alfabet menu riba homepage: [L] Luna di Enseñansa of por tuma contacto cu: Departamento di Enseñansa Aruba | Ministerio di Enseñansa
Scroll To Top
