Stap 6 ta encera entrega di un copia di bo diploma certifica (gewaarmerkt) door di Dienst Inspectie van het Onderwijs.

Dienst Inspectie van het Onderwijs ta certifica diploma(nan) obteni na Aruba y cu ta pertenece na e sistema di enseñansa legalmente reglamenta na Aruba. Dienst Inspectie van het Onderwijs ta ubica na e John F. Kennedy Education Center na Stadionweg 37. Nan orario ta di 8or di mainta pa 12or di merdia y di 1or di merdia pa 4or di atardi.

Kico mester trece pa por laga certifica (waarmerk) un diploma?

• Bo mes mester traha copia di bo diploma y di bo cijferlijst;
• Pa evita bruhamento entre e documentonan original y e copianan, ta recomenda pa saca copia di diploma y cijferlijst riba papel A4 normal den preto cu blanco. Preferibel no saca copia na color ni tampoco riba cartolina;
• Ora di bay Dienst Inspectie bo mester hiba e diploma y cijferlijst original tambe pa e copianan por wordo verifica y certifica;
• Dienst Inspectie van het Onderwijs ta certifica solamente diploma y cijferlijst oficial. Ningun certificado di curso ta wordo certifica;
• E copia mester ta identico na e original (si e diploma ta “om en om”, e copia tambe mester ta “om en om”) pero den preto cu blanco. Si e scol a stempel riba e copia bo mester traha copia nobo paso e mester ta identico na esun original;
• Studiantenan di EPI unit Economie mester trece tur 4 cijferlijst: original y copia;
• Pa diplomanan internacional p.e. di USA, Canada, Costa Rica, Colombia, etc. Dienst Inspectie van het Onderwijs lo investiga si e estudio concerni tin acreditacion cu ta wordo acepta na Aruba. Den caso cu e estudio no tin un acreditacion, lo mester acudi na un notario;
• Por fabor tene na cuenta cu Dienst Inspectie no ta saca copia;
• E cantidad di copia cu por wordo certifica ta 3 y si bo ta bay Hulanda lo por certifica 4 copia;
• Den caso cu ta un GED-diploma mester laga certifica esaki tambe hunto cu e transcript.

[6] Copia certifica di diploma y cijferlijst

Stap 7 di e proceso ta encera entrega di informacion di cuenta di banco. E studiante mester “upload” un prueba di un cuenta coriente di un banco local (na Aruba) cu ta riba nomber di e studiante. Pa studiantenan cu ta bay studia den exterior preferiblemente habri un “International Student Account” na un banco local. Si e banco ta pidi un “verklaring” di Arubalening, e studiante mester pidi esaki na Seccion Studiefaciliteiten di DEA. Tene na cuenta cu ta dura 2 dia di trabou pa haya esaki.

Log in den e Arubalening Portal y upload:

[7] Prueba di cuenta di banco

Stap 8 ta encera entrega di un prueba oficial di aceptacion di e scol/instituto (bewijsstuk toelating). Esaki ta un carta oficial of e-mail cu e studiante a ricibi di e instituto/scol na unda ta bay cuminsa studia entrante 1 di september 2022. E carta of e-mail mester menciona cu dicho studiante a keda acepta na e scol/instituto. Un asina yama “Acceptance letter” of “Toelatingsbrief”.

Log in den e Arubalening Portal y upload:

[8] Prueba oficial di aceptacion di scol/instituto

Stap 9 di e proceso ta encera entrega di un prueba di seguro. Ta haci esaki door di “upload” e prueba den e Arubalening Portal. Pa esnan cu ta sigui studia na Aruba, e prueba di seguro ta un screenshot di bo APP di AZV of un potret di bo carnet di AZV VALIDO. Esnan cu ta bay studia afo na otro pais cu NO ta Hulanda, mester “upload” e polisa di e pais na unda nan ta sigura. E nomber di e studiante y e fecha riba cual e polisa ta valido mester ta visibel. Esnan cu ta bay studia na Hulanda lo ricibi nan polisa via email durante transcurso di siman.

Atencion: Studiantenan cu ta biaha pa Hulanda prome cu dia 1 of 2 di Augustus 2022 mester cera un seguro pa e dia cu nan ta biaha te cu 31 Juli di 2022. Por haci esaki via Insure To Study (ITS) of cu un seguro di biahe (reisverzekering). Ya tin studiante cu a haya un seguro di biahe pa 2 siman.

Log in den e Arubalening Portal y upload:

[9] Prueba di seguro

Stap 10 ta encera entrega di informacion di contacto di e mayornan di e studiante. Mester haci esaki den e Arubalening Portal unda por click riba “Contactgegevens ouders” y yena e datonan rekeri. Si e studiante no tin contacto cu su mayor(nan) mester indica esaki den e parti di “reacties”. Si tur dos mayor a fayece, mester yena dato di un otro familiar y pone acerca bo relacion cu e persona aki (por ehempel tia, welo/a).

Log in den e Arubalening Portal y yena e datonan:

[10] Contactgegevens ouders

Siguientemente (stap 11) e studiante mester download “Overeenkomst tot geldlening” for di riba nos website ea.aw. Mester print dos (2) copia di e “overeenkomst”, yena esaki completo y firma nan cu pen blauw. Siguientemente e studiante mester “upload” un copia yena y firma di e “overeenkomst” bek den e Arubalening Portal.

Por download e “overeenkomst” aki: Arubalening Overeenkomst

Log in den e Arubalening Portal y upload:

[11] Overeenkomst tot geldlening

Pa finalisa y formalisa e aplicacion e studiante mester entrega dos (2x) version hardcopy di e “Verklaring tot toekenning” aki hunto cu dos (2x) version hardcopy di e “Overeenkomst tot geldlening” (tur yena y firma cu pen blauw) na seccion Studiefaciliteiten di DEA, ubica na e John F. Kennedy Education Center na Stadionweg 37. Mester entrega esakinan no mas tarda cu dia 18 di Juli 2022.

Na momento cu seccion Studiefaciliteiten ricibi esakinan den man, ta tuma mas of menos dos (2) pa tres (3) siman prome cu e studiante ricibi e placa riba su cuenta di banco local. Esnan cu ta biaha pa Hulanda ta ricibi e placa riba nan cuenta prome cu dia 31 di Juli 2022.

Aki por haya e mapa di compleho JFK Education Center na unda mester entrega:

[12] Dos (2x) version hardcopy di bo “Overeenkomst tot geldlening” plus dos (2x) version hardcopy di bo “Verklaring tot toekenning” firma cu pen blauw