Search Facebook Instagram Twitter

Ultimo grupo di Studiante a yega Hulanda

August 7, 2017

Den Haag – Funcionarionan di Arubahuismentoren y miembronan di e Plaatselijke Opvangcommissies (POC) durante fin di siman a ricibi e ultimo gruponan di studiante na Schiphol, Hulanda.

Potretnan cortesia di Arubahuis

Un grupo di 13 studiante recientemente a keda pega na Aruba pa motibo di retraso di dos airline. Algun di e studiantenan aki a logra yega Hulanda diasabra 5 di augustus, mientras cu e otronan a yega un dia despues, esta diadomingo 6 di augustus.

Riba tur dos dia e studiantenan a wordo ricibi na Schiphol pa directora di Arubahuis Shandra John, funcionarionan di e departamento di Enseñansa di Arubahuismentor y miembronan di e Plaatselijke Opvangcommissies(POC).

Na Schiphol John a bisa e studiantenan cu e ta contento cu porfin despues di asina hopi contratiempo e ultimo grupo di studiante a yega bon Hulanda.

POC di e ciudadnan conhuntamente cu e mentor a percura pa entrante dialuna tin un programa di “opvang” igual na loke e otro studiantenan a haya. Nan ta zorg pa tur boso asuntonan oficial keda regla pa boso por cuminsa cu boso estudio sin ningun problema.” asina directora di Arubahuis Shandra John a bisa.

Arubahuis ta hopi gradicido na e mentoren y e grupo di POC cu a pone mas tempo disponibel pa asina e studiantenan aki ricibi e informacion y prepraracion necesario, apesar cu nan a yega Hulanda despues di e periodo stipula.

Di e grupo di 13 hoben, ocho studiante ta bay Den Haag, dos ta bay Utrecht, un ta bay Rotterdam, un ta bay Leeuwaarden y un ta bay Amsterdam.

 


Info | Contact

Pa mas informacion por busca den e alfabet menu riba homepage: [S] Studia na Hulanda of por tuma contacto cu: Kabinet van de Gevolmachtigde Minister van Aruba – Arubahuis

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets