Search Facebook Instagram Twitter

Ultimo dia pa inscribi pa Landsexamen 2022

September 28, 2021

Departamento di Enseñansa Aruba (DEA) seccion Examenbureau ta recorda un y tur cu ultimo dia pa inscribi pa landsexamen MAVO, HAVO, VWO 2022 ta diahuebs dia 30 di september 2021.



Ken por participa?

Bo ta desea di haal bo diploma di MAVO, HAVO of VWO ainda? Landsexamen ta brinda e oportunidad pa haal e diploma aki na un manera flexibel. Un “landsexamen” ta igual na e examen di un scol secundario y un diploma di landsexamen MAVO, HAVO of VWO tin e mesun balor cu e diploma obteni via un scol secundario.

Personanan cu no ta bishita scol secundario (mas) pero cu ainda kier haal nan diploma, como tambe esnan cu kier haal certificado pa un of mas materia (vak) specifico por inscribi pa participa
na Landsexamen.

Landsexamen ta aplica e mesun exigencianan pa examen (exameneisen) y e mesun “schriftelijke centrale examens”.

Esnan cu scoge pa participa na landsexamen no ta obliga pa haci examen den tur materia pareu. Bo por scoge pa haci examen y haal “deelcertificaten” pa un (1) of mas materia durante diferente aña escolar. Cada candidato tin maximo 10 aña pa haal su diploma via landsexamen.

Riba nos website ea.aw riba e pagina di Landsexamen por haya mas informacion di e similaridadnan y e diferencianan entre Landsexamen y scol secundario.


Inscripcion online

Den cuadro di mehoracion di servicio, a digitalisa henter e proceso di inscripcion: esaki ta bay online, a traves di un formulario digital. Aki tur persona cu kier participa na Landsexamen por yena e formulario di inscripcion digital y upload tur e documentonan rekeri, manera p.e. certificado, diploma, listanan di cifra obteni cu firma oficial y copia di un extracto di registro di Censo di Aruba.

Tur informacion necesario ta accesibel a traves di e website Enseñansa Aruba ea.aw.

Ta urgi un y tur pa por fabor lesa tur informacion, incluso e “Informatiebrochure Landsexamen 2021” prome cu yena e formulario di inscripcion online.

Candidatonan cu ta cumpli cu tur regla di inscripcion y a pasa e “screening” ta wordo notifica pa manda online un copia di e recibo di pago of pagonan si ta paga den parti. Pone riba bo recibo(nan) bo nomber y e vak cu bo a paga pe.

Si no entrega tur documento necesario of si e inscripcion drenta despues di dia 30 di september 2021, ya no por procesa e inscripcion. E periodo menciona den ley ta di 1 di september te cu 30 di september.


Unda riba e website mi por haya informacion di Landsexamen?

Den e alfabet menu riba e pagina principal (homepage) mester busca Landsexamen, bou di letter L.


Info / Contact

Pa mas informacion busca den e alfabet menu riba e pagina principal:

Pa pregunta por tuma contacto cu:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets