Search Facebook Instagram Twitter

Tur scol primario a ricibi material di Disciplina Consciente

June 16, 2015

Desaroyo social-emocional tin influencia positivo riba prestacion academico. Den e cuadro aki alumno y docentenan di Colegio Sta. Teresita a habri siman cu un cantica di “Disciplina Consciente” pa saluda Minister di Enseñansa cu a bishita e scol pa haci entrega di e pakete di material na e Cabesante di scol y director di SKOA.


Ehercicio di Disciplina Consciente

Klas 1A di juffrouw Kimberly d’Aguiar a mustra Minister Hooyboer-Winklaar con nan ta haci ehercicio di hala rosea como ‘brain break’. Esaki ta un actividad pa yuda muchanan haya nan enfoke di nobo. E ta dirigi riba suministra oxigeno pa e cerebro. Si e celebro  falta oxigeno, e ta afecta e parti di celebro cu ta dirigi riba siñamento.

Den klas 2B di juffrouw Tayliza Bernabela, e minister por a scucha un storia for un di e bukinan di Disciplina Consciente cu ta siña e mucha cu tur escogencia tin consecuencia.


“Zorgprogramma’s binnen het Onderwijs”

Den cuadro di e proyecto “Zorgprogramma’s ter ondersteuning van kinderen en jeugdigen” cu ta un deelproject di “Zorgprogramma’s binnen het onderwijs” a bestel material pa desaroyo social-emocional di alumnonan di 63 scol di enseñansa primario y sistema di sigui e mucha den su desaroyo (Leerling volgsysteem) pa 59 scol. E programanan ta financia pa Fondo Desaroyo Aruba (FDA).

E sistemanan di siguimento di alumno menciona ta digital y scolnan ta ricibiendo esaki via email. Pa loke ta trata e programanan social-emocional, mayoria scol a ricibi esaki caba.


Programa social-emocional

E programa social-emocional cu a resalta ora di escogencia ta e programa Disciplina Consciente (Conscious Discipline) di “Loving Guidance”. Di e 63 scol un cantidad di 52 scol a scoge pa e programa aki.

E programa social-emocional di Disciplina Consciente ta cuadra cu e programa di gobernacion 2013-2017 den cual ta menciona cu pa mehora calidad di enseñansa lo pone atencion special na e bienestar di maestro y cuido di alumno.

Otro proyecto y desaroyonan cu tambe ta dirigi riba bienestar di maestro y alumno ta: ‘Gezonde school’, ‘Veilige school’ y e Expertise- y Observatiecentrum di Multidisciplinair Centrum (MdC) cu ta pone atencion na e desaroyo social emocional di alumno y “Teacher Care” pa e maestro.


Info / Contact

Pa mas informacion por busca den e alfabet menu riba nos homepage:

Tambe por tuma contacto cu:

Scroll To Top
  • © 2011-2022 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets