Studentenhuisvesting Den Haag
November 3, 2022
Den Haag – Arubahuis ta brinda informacion di vivienda pa studiantenan cu kier bay studia na Den Haag.
Studentenhuisvesting Den Haag
• Provincie Zuid-Holland: Den Haag
Un bon preparacion na Aruba pa bo estudio avansa na Hulanda por scapa bo hopi dolor di cabes, stress y preocupacion. E ta rekeri mas cu paketa maleta y incribi na un scol unda cu bo ta desea di sigi studia pa bo futuro. Den Haag ta un ciudad hopi internacional y cada aña ta crece mas den un ciudad unda hopi studiante, tanto di Aruba como di otro nacionalidad, ta sinti nan mes na cas pa studia.
Conseho di Shahaira Brokke como mentor di Den Haag ta pa si bo tin pensa pa bay studia na Den Haag incribi bo mes mas pronto posibel na un woningcorporatie cu ta ofrece vivienda pa studiante.
DUWO
E woningcoopertatie mas conoci cu ta ofrece vivienda pa studiante ta DUWO. Riba nan website bo por incribi manera cu bo cumpli 16 aña pa asina bo cuminsa acumula tempo di inscripcion. Mas tempo bo tin inscribi mas chens bo tin pa haya vivienda.
Desde aña 2019 DUWO a introduci un ‘voorrangsregeling’ pa nos studiantenan cu ta interesa pa bay studia na Den Haag. Pa por bin den remarca pa e ‘voorrangsregeling’ di DUWO bo mester incribi bo mes via nan website. Costo pa inscripcion ta 35 euro pa un (1) solo biaha y bo inscripcion ta valido pa un periodo di ocho (8) aña. Un punto importante ta cu e ‘voorrangsregeling’ ta solamente valido pa studiantenan cu ta bin di afo y cu no ta inscribi ainda na Hulanda. Check e website:
DUWO ta uza e plataforma di room.nl. Ora bo ta incribi na DUWO bo mes como studiante mester keda monitor bo inscripcion. Esaki bo por haci via e website di room.nl unda bo por mira e aanbod. DUWO mes no lo manda bo cambernan cu ta disponible pa huur. Check e website:
Via scol
Na Den Haag tin algun scol cu ta ofrece studiantenan cu ta bin di afo vivienda via di scol mes. E informacion aki ta wordo poni riba nan website bou di e topico ‘accomodation’ of ‘housing’. Haagse Hogeschool y Hogeschool Inholland ta brinda e servicio aki pa studiantenan cu ta bin di afo. Si bo ta considera e opcion aki tuma bon nota di nan deadlines pa inschrijving.
Makelaar
Tin studiante of nan mayornan ta opta pa busca apartamento via un makelaar, mayoria bes esaki ta sosode ora e studiante ta desea di bay biba cu un amigo of amiga of ta laat cu su inscripcion na un otro ‘woningscooporatie’.
Si bo ta desea di busca un apartamento via makelaar tuma bon nota si bo ta bin na remarca pa ‘huurtoeslag’ y tambe mester sigura si e makelaar ta existi di berdad y tambe uno renombra y reconoci.
Un punto hopi importante cu mentor Shahaira kier trese dilanti ta cu ora reacciona riba un camber of vivienda nunca paga e suma di borg adelanta. Semper, bo ta wordo invita pa haci un ‘bezichtiging’ prome y despues di firma un contract ta paga borg, huur etc. Esaki pa evita cu bo ta bira victima di ‘scam’. Un familiar of conoci por bay haci e ‘bezichtiging’ pa bo si bo mes no ta na Hulanda ainda. Corda tuma tempo pa lesa e contract bon y laga bo mayornan tambe haci esaki.
Websites pa busca vivienda
DUWO
Check e informacion ariba.
Haagse Hogeschool
Haagse Hogeschool – accommodation@hhs: Vivienda via Haagse Hogeschool, pa informacion tuma contacto cu departamento di ‘accommodation / international service’ di Haagse Hogeschool. Manera menciona den e articulo, vivienda ta pa un (1) aña y ta mayoria biaha ful muebla y inclui tur gasto di utilidad (awa, coriente y gas). Ta recomendabel pa manda un mail na accomodation@hhs.nl asina cu bo a dicidi pa bin studia na Haagse Hogeschool, asina bo ta na tempo y bo chens pa haya vivienda ta mas grandi. Website:
Hogeschool Inholland
Hogeschool Inholland: Pa vivienda via Hogeschool Inholland por tuma contacto cu nan departamento ‘International service’ via email adres: Intoffice@inholland.nl. Nan no tin hopi camber y pesey ta consehabel pa tene bista riba nan website entrante luna di mei 2023 y asina cu bin camber disponibel pa reacciona di biaha. E cambernan ta pa un (1) aña y mayoria biaha nan ta ful muebla y ta inclui tur gasto di utilidad. Website:
Hotelschool The Hague
Hotelschool The Hague: Prome aña di bo estudio na Hotelschool The Hague bo ta biba den un ‘student residence’, The Skotel, cu ta forma parti di e scol. Pa mas information tocante The Skotel bo por tuma contacto cu Campus The Hague via nan e-mail: info@hotelschool.nl.
Staedion
Staedion: Riba e website di Staedion e studiante mes mester traha su ‘zoekprofiel’. Ora e studiante traha su profiel e ta ricibi diferente mail cu ‘aanbod’ di vivienda cu ta pas cu su profiel. Mas largo un persona ta inscribi, mas punto e ta acumula pa un vivienda. Website:
Woningcoöperatie The Y
Woningcoöperatie The Y ta ofrece camber y apartamento. Nan ta pidi un persona pa para garantia y esaki por ta un persona cu ta biba na Aruba. Website:
Woningcorporatie cu vivienda pa studiante – mescos cu the Y – ta pidi un persona pa para garantia y e por ta un persona cu ta biba na Aruba. Website:
Makelaar Vestingvastgoed
Makelaar Vestingvastgoed ta un makelaar na Den Haag y por incribi via nan website:
Otro
Algun websites cu tambe ta ofrece vivienda pa studiante y por ta un opcion banda di e esunan menciona aki riba:
Contact Mentor
Pa mas informacion of pa cualkier pregunta relaciona cu Den Haag por tuma contacto cu:
Mentor Shahaira Brokke
Mobiel of Whatsapp: +31(0)70 356 6254 of riba celular +31(0)6 8212 8047
Email: s.brokke-mentor@arubahuis.nl
Info / Contact
Pa mas informacion por busca den e alfabet menu:
Por tuma contacto cu:
Scroll To Top
