SKOA a habri inscripcion pa Basis y Mavo
Stichting Katholiek Onderwijs Aruba (SKOA) ta informa cu inscripcion a habri pa mucha y hobennan cu ta bay cuminsa Basis y MAVO.
Mayornan por inscribi nan yiunan di awo caba na un scol di SKOA pa asina sigura nan luga e proximo aña escolar.
SKOA ta e organisacion di educacion di mas grandi na Aruba y ta enfoca ariba e desaroyo y crecemento general di cada mucha. SKOA ta ofrece educacion di calidad halto cu ta enfatisa balornan Catolico, comunicacion na nivel multi lengual, diversidad, inovacion y actividadnan extra-curicular. Muchanan cu ta bay un scol di SKOA por spera di ricibi un educacion completo cu ta prepara nan pa nan futuro.
Aplica completamente digital
Por aplica via website di SKOA pa asina inscribi completamente online. Por aplica via email y via WhatsApp y sigui e pasonan pa completa e aplicacion. Ora di aplica mester pone bon atencion riba e documentonan necesario pa asina por cumpli cu e proceso di inscripcion di cada yiu exitosamente.
Pa mayornan cu ya caba tin yiu inscribi na un scol di SKOA por haci aplicacion di e yiu cu ta bay cuminsa basis via nan sistema di SAS.
Contribucion di mayor
E tarifa di contribucion di mayor pa e proximo aña escolar pa Basis y MAVO ta como lo siguiente:
- Pa basisschool ‘schoolgeld’ ta Awg. 275,- y ‘aircogeld’ ta Awg.150,-.
- Pa mavoschool ‘schoolgeld’ ta Awg. 350,- y ‘aircogeld’ ta Awg.150,-.
Pa por completa aplicacion pa aña escolar nobo di 2023-2024, mester cumpli cu e rekisito di SKOA cu ta rekeri e contribucion di ‘schoolgeld’ y ‘airco geld’ di 2022-2023 ta completamente paga. Mayornan cu ta desea un areglo di pago por haci peticion entrante 1 di April 2023.
SKOA tey pa guia tur mayor durante e proceso di aplicacion.
Pa mas informacion y pa inscripcion acudi na e website di SKOA:
Info / Contact
Pa mas informacion mester tuma contacto cu:
Scroll To Top
