Search Facebook Instagram Twitter

Scolnan ta habri dia 10 di Januari 2022

January 5, 2022

Durante e Conferencia di Prensa di Gobierno di Aruba di diaranson dia 5 di januari 2022 Prome Minister Wever-Croes a confirma cu scol ta habri bek dia 10 di januari 2022.

Despues di amplio deliberacion y basa riba informacion obteni for di directivanan di scol na Aruba, CrisisTeam a dicidi di pospone e fecha cu ta habri scol pa tur alumno pa dialuna dia 10 di januari 2022. Esaki pa evita aglomeracion y en bista cu tin hopi docente, mayor y alumno den isolacion y cuarentena.

E variante Omicron, cu awor ta mas presente na Aruba, ta mas contagioso y p’esey CrisisTeam ta urgi scolnan pa tin tur protocol di higiena na vigor. Algun protocol adicional lo wordo comunica na e scolnan riba diaranson 5 di januari.

CrisisTeam ta pidi tur scol pa probecha di e dos dianan extra cu no tin scol, pa pone tur cos na ordo pa scol por cuminsa bek dialuna. Ta spera cu dialuna gran parti di docente y alumno lo ta for di isolacion of cuarentena.

CrisisTeam y Gobierno di Aruba ta gradici tur docente y esnan cu ta traha den e veld di enseñansa pa nan dedicacion y esfuerso den e temponan dificil aki.



Info / Contact

Ministerio di Enseñansa

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets