Reunion informativo y oficina di servicio temporal DUO na Aruba
Di 7 pa 18 di november, Dienst Uitvoering Onderwijs (DUO) lo ta na Aruba. DUO lo organisa un reunion informativo pa e pagadornan y habri un oficina di servicio temporal unda bo por bay cu tur bo preguntanan tocante pago di bo debe di estudio.
Reunion informativo ‘Paga bek for di Caribe’
Bo kier sa con paga bek ta funciona y ki opcion bo tin? Wel, bin e reunion informativo tocante pago for di Caribe. E reunion lo tuma lugar diamars 8 di november pa 7 or di anochi na John F. Kennedy Education Center na Stadionweg 37, Oranjestad.
Durante e reunion informativo aki lo scucha mas di entre otro:
- e suma mensual y den cuanto tempo bo ta paga;
- kico bo por haci si bo cuota mensual ta demasiado halto;
- con pago local ta funciona;
- kico bo por haci si temporalmente bo no por paga.
Bo por haci pregunta tambe.
Oficina di servicio temporal
Bo kier un conversacion personal cu un cooperador di DUO? Bishita e oficina di servicio temporal di DUO na John F. Kennedy Education Center. E cooperadornan tambe por yuda bo si bo no tin acceso (mas) na Mijn DUO of si bo mester di ayudo pa yena formulario. No ta necesario pa traha cita delanta. Pero, bo mester trece un prueba di identificacion valido si. Ainda bo no a aplica pa un reduccion di bo suma mensual? Hiba cu bo un declaracion di entrada di servicio di impuesto di 2021.
Otro opcion pa contacto
Bo tin mas pregunta despues di e bishita di DUO na Aruba? Bo por yama, manda un mail of chat cu DUO.
Bo por haci videocall tambe, cu cita.
Mas informacion
Pa mas informacion por bishita e webiste di DUO:
Info / Contact
- DUO website: duo.nl/antillen
- DUO facebook page DUO Studiefinanciering voor hbo & universiteit
- DUO facebook page: DUO studieschuld terugbetalen Antillen @studieschuldantillen
