Search Facebook Instagram Twitter

Proyecto Idioma


Taalproject – The Language Project


Proyecto Idioma den Enseñansa ta un proyecto di innovacion na Departamento di Enseñansa Aruba (DEA) cu ta traha riba standarisacion (fihamento di regla) y cultivacion di Papiamento pa sostene introduccion di Papiamento den enseñansa.

Standarisacion, esta fihamento di regla pa Papiamento, ta importante pa un miho comunicacion y uniformidad. Unabes cu a fiha e reglanan, ta importante tambe pa aplica nan. Pa e motibo ey Proyecto Idioma den Enseñansa a publica material di referencia. E gruponan meta di e material di referencia ta entre otro enseñansa, departamento di gobierno, agencia di publicidad y prensa.

Pa conscientisa publico en general y pa henter comunidad tambe por aplica e reglanan di Papiamento, Proyecto Idioma a tene un campaña di informacion y di conscientisacion cu a inclui un documentario tocante Papiamento y varios otro material di promocion.


Material di referencia

Proyecto Idioma den Enseñansa (t)a publica material di referencia pa ortografia (buki y spelling checker) y gramatica. Mas informacion:


Buki di lesa

Proyecto Idioma den Enseñansa (t)a guia hopi proyecto di redaccion, produccion y publicacion di buki di lesa (ficcion y no-ficcion) pa mucha y hoben na Papiamento. Mas informacion:


Traduccion

Proyecto Idioma den Enseñansa (t)a traduci diferente storia/buki di lesa pa mucha na Papiamento. Mas informacion:


Documentario

Na aña 2009 Proyecto Idioma (DEA) a produci e documentario “Papiamento, Nos Idioma” cu e meta pa duna informacion y presenta echo relaciona cu nos idioma. Pa logra esaki a combersa cu un cantidad di experto cu a comparti nan conocemento y experiencia. Mas informacion:


Material Educativo

Ya pa mas cu 30 aña Departamento di Enseñansa Aruba (DEA) ta desaroya material educativo pa diferente tipo di scol na Aruba. Na aña 2017 a publica un catalogo cu ta contene un lista amplio di tur publicacion y material produci. E catalogo ta obtenibel den forma digital:

Na aña 2019 a inicia un proyecto di digitalisacion di e material cu ta destina pa tur directiva di scol, scol y demas actornan den enseñansa. Meta di esaki ta pa facilita acceso di material educativo na e scolnan di Aruba como tambe stimula uzo di medio digital den scol. Mas informacion:



Info / Contact

DEA – Proyecto Idioma

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets