Search Facebook Instagram Twitter

Prome encuentro cu COHO

October 11, 2021

Durante e conferencia di prensa di Gobierno di Aruba dia 11 di october 2021, e minister encarga cu enseñansa (Croes), a elabora riba su prome encuentro cu dos inspector di Hulanda den cuadro di e “Landspakket Aruba” y e trayecto di “doorlichting” den enseñansa.



Minister Croes conhuntamente cu Departamento di Enseñansa Aruba (DEA) y Departamento di Inspeccion di Enseñansa di Aruba a reuni cu inspectornan sr. Laurens de Croes y sr. Erik Martijnse, kendenan ta trek e proyectonan di landspakket. Den e reunion e inspectornan a elabora ampliamente riba e proyectonan di enseñansa dentro di e “Landspakket Aruba”.



Minister Croes a duna di conoce cu e inspectornan a bishita Aruba na diferente ocasion durante e ultimo lunanan y a acumula hopi informacion. Cu esaki lo formula un ‘tussenrapport’ cu lo mester keda cla na fin di luna di october 2021. Ta premira cu e rapport final lo por ta cla pa maart/april 2022. Den e rapport aki lo bin recomendacionnan pa e direccion di enseñansa na Aruba.

Minister Croes a sigui splica cu e investigacion ta dirigi riba e calidad basico di enseñansa na Aruba, e conexion di enseñansa cu mercado laboral, e fluho di un scol pa otro y tambe lo revisa leynan cu ta anticua. “E meta ta pa haci coreccionnan necesario y traha mas eficiente den un direccion pa crea e paz y trankilidad cu ta buscando den enseñansa na Aruba.” segun Minister Croes cu a termina bisando cu e reunion a bay den bon ambiente y tabata hopi informativo.


Conferencia di Prensa

Por wak e conferencia di prensa completo aki:


Info / Contact

Pa mas informacion por busca den e alfabet menu riba e pagina principal:

Pa informacion di contacto:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets