Programa Kingdom Startup
Universidad di Aruba: Secretario di Estado Eric van der Burg ta topa cu e Studiantenan Empresario di e programa Kingdom Startup.
Recientemente Secretario di Estado pa Relacion di Reino y Gobierno Eficaz Eric van der Burg a bishita Universidad di Aruba, acompaña pa Minister di Finansa, Economia y Sector Primario Geoffrey Wever, Minister di Relacion di Reino, Educacion, Hubentud y Deporte, Gerlien Croes, Director di Relacion di Reino, Barbara Wolfensberger y representantenan di Hulanda na Aruba, Curaçao y Sint Maarten, Gerbert Kunst, pa un encuentro cu e studiantenan cu ta participa na e Programa Kingdom Startup (KPS). Patrick Arens, Business Director di Universisad di Aruba, y Michael Dooijes, fundado y Director General di Kingdom Startup Program a yama e delegacion bon bini.
Durante un serie di discusion di mesa rondo e delegacion a intercambia cu cinco team di studiante di henter Caribe Hulandes cu ta desaroyando solucion innovativo pa reto regional, incluyendo sostenibilidad renobabel, energia, maneho di desperdicio, y desaroyo di hubentud.
E bishita a destaca e importancia di inverti den empresario hoben y fortifica innovacion den henter Caribe Hulandes.
Kingdom Startup Program ta un programa di empresario di seis siman den temporada di verano cu ta trece hunto studiante di Universidad di Aruba, Universidad di Curaçao, y Universidad di St. Maartin pa desaroya habilidad empresarial mientras ta atende cu e retonan di mundo-real cu e region ta enfrenta. Pa medio di mentor di empresario experencia, fundado y experto den e industria for di Caribe, Hulanda y Merca, participantenan ta haya practica experiencia den construccion di empresa impactante.
E programa ta wordo financia door di Ministerio di Interior y Relacionnan den Reino di Hulanda (BZK), den cooperacion cu e tres universidadnan y un red di partner publico y priva.