Procedura di planificacion di Vakantie di Scol
E vakantierooster pa cada aña escolar ta wordo formula conforme e “regeling lengte schooljaar en maximum aantal vakantiedagen” y cu liñanan di guia cu ta tene cuenta cu e mucha, e curiculo y e maestro di scol.
Regeling lengte schooljaar en maximum aantal vakantiedagen
Na momento di formula un vakantierooster mester tene cuenta cu diferente factor. Conforme e “Regeling lengte schooljaar en maximum aantal vakantiedagen” (AB 1988 No. GT13) un aña escolar oficialmente ta cuminsa riba dia 1 di augustus y ta termina riba dia 31 di juli di e aña siguiente. E cantidad di dia di vakantie ta fiha na 60 dia pa aña escolar, cual ta inclui 10 dia di fiesta.
E vakantierooster pa cada aña escolar/academico ta wordo formula conforme e regeling aki y cu liñanan di guia cu ta tene cuenta cu e mucha, e curiculo y e maestro di scol.
Richtlijnen
Entre e liñanan di guia tin stipula cu:
- E prome dos (2) simannan di augustus ta stipula como vakantie; e dialuna y diamars siguiente ta dia di preparacion pa e maestro di scol y generalmente e prome dia di scol ta riba un diaranson of diahuebs.
- Entre e prome dia di scol na augustus y e prome dia di e october vakantie mester tin minimo seis (6) siman di les;
- E kerstvakantie no por ta mas largo cu dos siman y mey (2,5);
- E paasvakantie no por ta mas largo cu dos siman, e.o. pa motibo di e periodo di examen na luna di mei.
- Vakantie grandi ta minimal 5 siman y maximal 6 siman;
- Vakantie grandi ta cuminsa minimal cinco (5) dia di trabou despues di e resultado di “examen tweede (2e) tijdvak”; e fechanan di examen y resultado di examen pa eerste (1e) y tweede (2e) tijdvak ta wordo stipula pa Ministerie van Onderwijs, Cultuur en Wetenschap na Hulanda.
- Mester evita cu cada biaha e mesun dia di siman (por ehempel dialuna) ta cay afo durante un aña escolar/academico.
- Ta purba evita cu mester bay scol pa un solo dia cu ta cay entre dianan liber y weekend; generalmente esaki lo wordo duna como dia di vakantie of ATV-dag.
Input di stakeholders
Departamento di Enseñansa Aruba (DEA) ta e instancia responsabel pa formula e concept vakantierooster y pa stipula e ATV-dagen pa Onderwijspersoneel.
E concept vakantierooster siguientemente ta keda presenta na Dienst Inspectie van het Onderwijs, SIMAR y tur e Directivanan di Scol pa nan por duna nan input. Cu e input ricibi ta formula e proposicion final cu ta bay pa Minister di Enseñansa di Aruba pa aprobacion.
Na momento cu ricibi e aprobacion di e Minister di Enseñansa, e vakantierooster oficial ta keda publica riba website [www.ea.aw] y ta comunica esaki na tur e actornan envolvi.
Tambe ta comunica e vakantierooster oficial na Departamento Recurso Humano (DRH) y instancianan manera SMAC, cu e peticion pa nan tene bon cuenta cu e rooster di scol den nan respectivo planificacionnan.
Reaccion riba vakantierooster 2019-2020
E vakantierooster pa e proximo aña escolar/academico, esta 2019-2020, a keda aproba pa e actual Minister di Enseñansa, Ciencia y Desaroyo Sostenibel y publica na luna di augustus 2018.
Prome cu e aprobacion a tuma luga, e vakantierooster aki (2019-2020) a cana henter e caminda oficial. Esaki ta nifica cu e concept a keda presenta na Dienst Inspectie van het Onderwijs, na SIMAR y na tur e Directivanan di Scol pa nan por a duna nan input.
For di e Directivanan di Scol no a ricibi niun reaccion. Dienst Inspectie van het Onderwijs y SIMAR a duna feedback riba vakantierooster 2019-2020, sinembargo e dos instancianan aki no a reacciona riba e asina yama “Carnavalsvakantie”, y tampoco riba e vakantie grandi.
Mester remarca cu aki no ta trata di un maneho nobo y tampoco a corta den e cantidad di dia di vakantie di scol, cual pa ley ta fiha na 60 dia pa aña.
E fechanan pa examen, e final di un aña escolar y e fecha di comienso di vakantie grandi ta fluctua hunto cu dianan internacional di fiesta manera Diaranson di Shinishi, Diabierna Santo y Pasco Grandi. E punto di salida ta e kalender internacional. Conforme e “Regeling lengte schooljaar en maximum aantal vakantiedagen” y e liñanan di guia ta trata na formula e rooster pa cada aña escolar/academico teniendo mas tanto cuenta posibel cu e mucha, e curiculo y e maestro di scol.
Vakantierooster oficial
Ta importante tambe pa remarca cu e version oficial di e vakantieroosters ta publica riba website Enseñansa Aruba [www.ea.aw]. Departamento di Enseñansa Aruba no ta responsabel pa roosters y fechanan publica riba otro website.
Aki por download e vakantieroosters oficial:
Leerplicht
Ley di Enseñansa Obligatorio ta mantene su mes na e dianan di vakantie di scol oficial cu ta aproba pa Minister di Enseñansa di Aruba. Pa mas informacion:
ATV-dagen y Dia di Fiesta Oficial
E ATV-dagen pa “Ambtenaren en Gelijkgestelden” ta keda stipula pa Departamento Recurso Humano (DRH) y e proposicion ta bay Ministerraad pa aprobacion.
E Dianan Oficial di Fiesta ta keda publica cada aña pa Departamento di Labor.
Na momento cu tin e aprobacion oficial esakinan tambe ta keda publica riba nos website [www.ea.aw].
Info / Contact
Pa mas informacion busca [V] Vakantie di scol den e alfabet menu riba nos homepage.
Scroll To Top
