Poder di Hubentud 2016

Na aña 2015 a lansa e Proyecto Poder di Hubentud pa prome biaha y mirando e exito di esaki a dicidi pa ripiti esaki. Recientemente a tuma luga e lansamento di e Proyecto Poder di Hubentud 2016.

E Proyecto Poder di Hubentud tin como meta pa duna reconocimento na hobennan potencial den diferente ramo den nos comunidad. Metanan cu ta yuda contribui pa motiva e hoben aki pa sigui progresa, sigui kere den su mes y alabes fungi como un “role-model” pa otro hobennan y crea un generacion nobo di lidernan. Na 2015 e Proyecto Poder di Hubentud a alcansa mas di 100 hoben. For di inscripcionnan, 15 hoben a keda selecciona y a sigui e siguiente trayectoria:

• Nan a wordo sorpresa durante nan nominacion.
• Nan a sigui un trayecto educativo ricibiendo curso y tayernan yudando nan riba e.o. desaroyo personal, liderazgo, “self-motivation”, “public-speaking”, resistencia contra adiccion y a wordo guia con pa sigui aporta den un forma positivo  na nos comunidad.
• Henter nan contribucion na comunidad y e trayecto cu nan a sigui a wordo documenta y lansa atraves di socialmedia y medionan di comunicacion manera television y corant.

E hobennan cu por wordo nomina ta un hoben lider cu a dedica su tempo liber den e siguiente ramonan:

• Deporte
• Social
• Arte, Cultura y Musica
• Innovacion
• Educacion
• Media y Tecnologia
• Boluntario

E rekisitonan cu mester cumpli cu nan pa por wordo nomina ta:

• Residente di pais Aruba (pa 3 aña consecutivo y mester ta biba na Aruba).
• Edad: tin dos categoria: hoben 12 – 17 aña y categoria hoben adulto 18 – 24 aña.
• Individual (No mas cu un persona).
• E categoria di reconocemento no mag di ta un tarea diario of profesion di e hoben.

Por nomina door di yena e formulario di inscripcion y manda esaki digital na athaaruba@gmail.com of entrega esaki personalmente na oficina di ATHA situa na Caya Apeldam (Dakota) te cu dia 27 di Mei 2016.

Noticia

• Archivo

Newsletter Signup

Leave this field empty if you're human: