PEL: A certifica 23 miembro di personal di SABA
Recientemente a tuma luga un evento di certificacion importante na SABA, unda 23 persona a ricibi nan certificado como BPV Opleider di Plataforma Educacion y Labor (PEL).
E logro aki ta hopi valioso pa SABA, manera Sulima Geerman, director di SABA, a enfatisa, p’asina por garantisa e miho guia posibel p’e studiantenan di ABO-Niveau (EPB, OABA, EPI) cu ta haci nan pasantia na SABA. Mas di 100 empleado di SABA a sigui e trayecto aki caba.
Eddelyn Dijkhoff, maneho ehectivo di PEL, a splica cu e certificacion ta esencial. Companianan cu tin e BPV Opleiders certifica aki lo ta reconoci oficialmente como “erkend leerbedrijf” pa PEL. Den futuro cercano, solamente e companianan reconoci aki lo por sigui guia stage cu e scolnan ABO.
E training, cu ta ofreci gratis door di PEL, ta eleva e calidad di guia y ta fortalece e laso entre enseñansa y mercado laboral na Aruba. SABA, cu casi 100 empleado certifica, t’e compania lider den e sector di cuido cu e reconocimento aki.
Info / Contact
Pa mas informacion por busca den e alfabet menu riba e pagina principal:
Scroll To Top