Pasantia di observacion (snuffelstage)
E momento a yega caminda tur alumno di Ciclo Basico 2 & Ciclo Avansa 1 ta cuminsa ricibi preparacion pa scoge e materianan cu nan kier pa otro aña escolar na MAVO.
Esaki ta pa e alumno ta bon prepara pa por scoge un profiel.
Durante di e periodo di preparacion ta importante pa e alumno conoce su mes bon, por reconoce su habilidadnan como tambe e aspectonan cu e tin di mehora como persona. E alumno mester cuminsa pensa riba kico e kier haci despues cu e caba scol MAVO, cual estudio e lo kier sigui y den caso di por ehempel EPI, cual sector e lo kier bay.
Nos ta haya importante pa e alumno tin un idea di kico mercado laboral ta spera di nan, kico ta e cualidad- y habilidadnan cu un compania, negoshi of instancia ta busca den un potencial trahado. Pa logra e meta aki, Colegio San Augustin ta pidi colaboracion na momento cu un alumno di su scol mustra interes den bo organisacion.
E pasantia di observacion (“snuffelstage”) aki ta pa un (1) dia y e alumno ta draai segun orario di e organisacion di su escogencia pa un maximo di 8 ora y no por pasa e orario di 5’or di atardi. E alumno mes ta encarga di busca un luga caminda e lo desea di pasa su stage. E fecha cu scol a pone pa e stage ta diahuebs 18 di januari 2024.
Colegio San Augustin ta pidi tur compania, negoshi of instancia pa yuda e scol logra e meta aki di trece e alumno mas cerca di e mercado laboral y e exigencianan cu esaki tin awendia.
Di antemano Colegio San Augustin ta gradici cada persona pa e tempo, dedicacion y colaboracion cu nan proyecto y ta spera di por conta cu e sosten.
Info / Contact
Pa mas informacion mester tuma contacto cu:
Scroll To Top
