Oportunidad pa bira maestro di Papiamento, Ingles of Hulandes aki na Aruba
Entrante september 2026, e estudionan di Maestro di Papiamento, di Ingles y Hulandes riba nivel bachelor di University of Curaçao awo tambe ta disponibel na Aruba.
Esaki ta posibel door di e colaboracion cu tin entre Instituto Pedagogico Arubano (IPA) y University of Curaçao (UoC). Tur persona na Aruba cu ta desea di haci un di e estudionan aki lo por sigui e lesnan online directamente for di IPA.
E estudionan aki ta forma docente di segundo grado cu ta cualifica pa duna les na alumnonan di enseñansa secundario. Pues, cu e estudio aki bo por duna les na alumno di EPB, EPI, mavo y e prome tres añanan di havo y vwo.
Informacion practico di e estudio
Cada estudio tin un duracion di cuater aña cual ta 240 EC. E lesnan ta wordo duna den sistema di bloki di 10 siman y ta tuma luga mas tanto entre 3:00 pm y 9:00 pm. E carga di peso di e estudionan ta 42 ora pa siman.
Pa informacion mas amplio tocante e contenido di e estudionan por wak y scucha un presentacion aki:
Procedura di inscripcion
Inscripcion ta tuma luga exclusivamente via e link aki:
E ultimo dia pa inscribi ta dia 21 di augustus 2026. Tene na cuenta cu pa por inscribi mester tin diploma di sea havo, vwo, sbo nivel 4, mbo nivel 4 of colloquium doctum pa 23+.
Pa preguntanan por tuma contacto cu Student Affairs di UoC na studentaffairs@uoc.cw of via +5999-722-2222 / +55999-522-5274.
Pasion pa idioma y enseñansa? Probecha di e oportunidad unico aki pa desaroya bo carera como docente aki na Aruba.
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top