Nos tambe tin di bisa: Hobennan na Palabra
Universidad di Aruba (UA) ta invita tur hoben di Aruba entre 14 pa 30 aña di edad; esnan bayendo scol, studiando of trahando. Bin comparti bo punto di bista riba varios topico di interes pa Aruba su bienestar..
Ta importante pa hobennan por tin di bisa riba formulacion y ehecucion di maneho, pa por tin un vision balansa di Aruba cu ta inclui vision di hoben.
E evento su enfoke lo ta riba discusion di temanan manera educacion, derecho humano y derecho di mucha, representacion di hoben, participacion democratico di hoben y bienestar social. Hobennan lo trece dilanti nan punto di bista, tambe e manera cu nan punto di bista lo por wordo incorpora, tanto nacionalmente como internacionalmente. Por ehempel, por medio di un hunta di hoben, panel di hoben of un representante hoben den e arena internacional.
A base di e input ricibi durante e evento, lo forma e vision di e hobennan tocante nan posicion riba e topiconan menciona, y nan preferencia relaciona cu representacion di hoben na Aruba y riba e area internacional. Lo compila e informacion adkiri y comparti esaki cu e United Nations Youth Representative(s) of Human Righs & Safety di e Reino Hulandes; Fenna Timsi y Kevin Eustatia – Palm.
Representante hoben di e Overseas Countries and Territories (OCT) Youth Network, Mauriëlle Tromp, lo ta presente durante e dialogo pa scucha y dialoga cu tur presente.
Orador
Tracy van der Biezen, Dutch United Nation Youth Working Group Member.
Como miembro di e United Nations Youth Working Group Hulandes y alumno di e Overseas Coutntries & Territories Youth Network, Tracy van der Biezen ta enfoca riba reprensentation di hobenan di e islanan Hulandes den e Working Group cual ta forma parti di e Nationale Jeugdraad di Hulanda. E ta interesa pa encurasha mas hoben pa participa den procesnan democratico.
Registra aki
Ultimo dia pa registra ta dialuna 8 di januari 2024, pero por “walk in” riba e dia di e evento tambe.
Info / Contact
Pa mas informacion por busca den e alfabet menu riba homepage:
Por tuma contacto cu:
Scroll To Top
