MoU entre Aruba y EducationUSA
Recientemente durante un conferencia di prensa a tuma luga relansamento di EducationUSA como tambe firmamento di un Memorandum of Understanding (MoU) cu lo mester brinda mas oportunidad na nos studiantenan pa continua cu nan estudio avansa na Merca.
Minister di Enseñansa, sr. Endy Croes, a firma un Memorandum of Understanding (MoU) cu Consul General di Merca staciona na Curaçao, Sra. Margy Bond. E acuerdo aki ta habri mas porta pa e studiantenan di Aruba y ta brinda nan mas oportunidad pa por continua estudio avansa na merca pa un bon tarifa.
EducationUSA Aruba ta un centro internacional cu ta brinda e studiantenan cu ta continua cu nan estudio avansa na Merca conesho, informacion, guia y sosten. EducationUSA Aruba tin un oficina na Aruba den e John F. Kennedy Education Center (JFK).
Presente na e ocasion aki tabata Prome Minister sra. Evelyn Wever-Croes, Director di Departamento di Enseñansa Aruba sra. Anne-Marie Proveyer-Groot, Inspector General di Enseñansa sr. John Hessen, miembronan di Consul General di Corsou, conseheronan di EducationUSA y demas invitadonan special.
Durante e ceremonia Minister Croes y Consul General di Merca sra. Bond a hiba palabra. Minister Croes a enfatisa cu e MoU aki lo duna espacio pa traha hunto, stimula, inspira y motiva nos studiantenan cu tin e posibilidad pa continua cu nan estudio na Merca. Tambe, promove y/of crea un plataforma mas grandi y oportunidad pa nos studiantenan por continua nan estudio avansa na Merca.
Na Merca e programanan ta diferente y progesivo. Sigur esaki ta yuda ora e studiante finalisa nan estudio pa e “brain gain”. E studiantenan ta bin bek pa contribui cu Aruba y yuda nos pais sigui desaroya. “Esaki ta e vision y nos ta contento cu e firmamento di e MoU aki”, Minister Croes a expresa.
Fuente
MoU’s
Tur studiante cu kier bay studia na Merca (of Canada) por tuma nota di e MoU’s cu Aruba tin firma cu various Universidad na Merca y Canada y e reduccion di e tuition fee y/of otro beneficionan di cada scol:
Info / Contact
EducationUSA Advising Center of Aruba:
- Email: aruba@educationusa.org
- Facebook: EducationUSA Aruba
Arubalening:
- Info: [A] Arubalening
- Info: [S] Studia na Merca
- Social Media: Facebook – Instagram
- Contact: Departamento di Enseñansa Aruba (DEA) afdeling Studiefaciliteiten
