Search Facebook Instagram Twitter

Minister di Enseñansa ta reuni cu UA

January 5, 2022

Na final di 2021 Minister di Enseñansa (Croes) a reuni cu funcionarionan di Universidad di Aruba. Presente na e reunion aki tabata presidente di Colegio di Curator di UA, sr. Herry Koolman, vice-presidente sr. Angelo Brete, rector di Universidad di Aruba, dr. Viola Heutger y Business Director di e instituto sr. Patrick Arens.



Leerstoel

Durante e reunion a informa Minster Croes cu e proceso pa institucionalisa un ‘Leerstoel’ pa rector di Universidad ta completa. Despues di aprobacion di e minister, pa prome biaha den historia di Universidad di Aruba, e rector ta carga e titulo di ‘Hoogleraar’.

E ‘leerstoel’ ta encera cu rector dr. Heutger lo inicia, coordina y lidera investigacionnan riba e tereno di idioma den enseñansa na Aruba y den region. Minister Endy Croes a indica cu investigacionnan riba tereno di idioma ta di interes, door cu tin varios punto di bista diferente riba tereno di maneho di idioma na Aruba y intencion di e mandatario ta pa delinea un maneho concrecto y efectivo. Pa por haci esaki Ministerio di Enseñansa mester di conseho y apoyo pa medio di resultadonan di investigacion cientifico.


Wiskunde

Durante e reunion a papia di e ‘tweede-graads opleiding Wiskunde’ cu Universidad di Aruba a cuminsa na aña 2014, di cual 33 studiante a gradua te cu awor. Universidad di Aruba actualmente ta den combersacion cu Instituto Pedagogico Arubano (IPA), University of Curaçao y dos otro universidad Hulandes pa sondea posibel colaboracion y determina si por inicia un ‘Master-opleiding Wiskunde’ na Aruba.


Durante e reunion, sr. Koolman y dr. Heutger a duna tambe un splicacion amplio di e proceso y proceduranan pa cu nombracion di docentenan di Universidad di Aruba y e rol cu e Minister di Enseñansa tin den esaki.

“Mi ta contento di tende cu tin interes for di Corsou pa e programa aki”, e minister a expresa. Minister Croes ta contento cu e interes di Universidad di Aruba pa tin encuentronan structural cu Ministerio di Enseñansa, pa asina intercambia pensamento pero tambe pa por ricibi conseho di nos instituto nacional pa cu maneho di enseñansa na Aruba.


Info / Contact

Pa mas informacion por busca den e alfabet menu riba homepage:

Por tuma contacto cu:

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets