Search Facebook Instagram Twitter

Minister di Enseñansa preocupa cu resultado di GED

January 11, 2022

Minister di Enseñansa (Croes) a elabora riba e programa pa “General Education Development” (GED) y a vocifera su preocupacion relaciona cu e resultado.

E idea tras di introduccion di e “GED-program” na Aruba ta pa brinda studiantenan di 17 aña of mas, cu no a finalisa enseñansa secundario, un di dos oportunidad.

Na Aruba e studiante por sigui un programa (curso) na International School of Aruba (ISA) unda e ta wordo prepara pa pasa 4 examen. Si e studiante pasa e examennan cu exito, e por obtene un certificado reconoci internacionalmente, ‘credential’, ekivalente na un U.S. High School Diploma. Esaki por duna e studiante e oportunidad pa drenta un scol mas avansa den ‘tertiair onderwijs’ pa sigui studia na Aruba of den regio.


Comparacion

Na Merca un certificado di GED ta ekivalente na un “High school diploma” Mericano y ta dirigi riba e sistema di enseñansa Mericano unda studiantenan por continua nan estudio na Merca y Canada.

Di acuerdo cu conseho cu Departamento di Enseñansa Aruba (Directie Onderwijs) a pidi oficialmente na Nuffic Hulanda (2013 y 2020) e GED certificaat ta wordo compara cu un MAVO-diploma na Aruba y un VMBO-t diploma di Hulanda.


GED y Arubalening

Pa loke ta trata Arubalening, tin un cambio den scoring desde juli 2021. Desde 27 di juli 2021 tin un decision nobo cu a drenta na vigor na september 2021. Den dicho Landsbesluit no 5 artikel 3 lid 1 onderdeel (d) a aumenta e limite minimo di e “scoring system” pa 165 pa cada examen. Pues mester score 165 pa cada examen (4) y un total minimo di 660 pa por bin na remarca pa ricibi Arubalening.

Actual Minister di Enseñansa (Croes) a percura pa e regla anterior (studiante por bin na remarca pa un Arubalening cu un GED score di menos cu 620) keda vigente pa tur esnan cu a pasa nan GED examen prome cu september 2021, pues momento e Landsbesluit nobo a drenta na vigor. Desde september 2021 padilanti esaki no ta posibel mas y pues mester tin un GED score di 660 of mas pa por bin na remarca pa un Arubalening.

Lesa mas:


Info / Contact

Pa mas informacion por busca den e alfabet menu riba homepage:

Por tuma contacto cu:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets