Minister a reuni cu G297
Diamars 30 di november 2021, e Minister encarga cu Enseñansa (Croes) a ricibi e grupo G297. E grupo ta consisiti di sr. drs. Chando Pietersz, sr. Jaime Mata, sr. Nelson Petronia y sr. drs. Jose de Sousa Fernandes Perna, kendenan ta experto riba tereno di enseñansa, actualmente pensionado y ademas ta(bata) activo como dirigente y/o miembro di SIMAR.
Fuente: Isla Online
Durante un presentacion hopi interesante a duna diferente conseho valioso.
A trata temanan manera; (1) ‘master-plan’; pues un plan integral y completo pa henter enseñansa, (2) legislacion y innovacion di enseñansa, (3) calidad di enseñansa, (4) Coho / landspakket, (5) fluho educativo progresivo “doorstroom” tanto den enseñansa na Aruba mes, como ora di sigui studia den exterior y (6) e relacion entre ‘enseñansa y mercado di labor’ y entre ‘enseñansa y sociedad’.
E grupo ta dispuesto pa duna conseho pidi of no pidi na e mandatario. Minister Croes a keda hopi contento cu bishita y presentacion di G297 y a gradici nan pa e consehonan.
A keda palabra cu den futuro lo tene mas reunion.
Info / Contact
Pa mas informacion por busca den e alfabet menu riba e pagina principal:
Pa informacion di contacto:
Scroll To Top
