Instroomtoets pa studiantenan di EPB Oranjestad
Unit Startjaar di EPB Oranjestad ta informa cu e instroomtoets pa e aña 2020-2021 pa e alumno nan di scolnan basico lo tuma lugar ribe e fechanan 24, 25, 26 di augustus 2020 como preparacion pa ora scol habri.
Alumnonan mester tan a scol 7.30 am riba e fecha stipula cu a wordo communica na mayornan. EPB Oranjestad a tuma contacto telefonico cu tur mayor pa avisa nan ki dia nan yiu lo mester ta presente pa traha e instroomtoets. Si acaso esaki no a sosode por tuma contacto cu EPB Oranjestad pa verifica e dia cu e alumno lo tin cu traha esaki.
Nos ta spera tur alumno cu su uniform di Unit Startjaar bisti. Ta recomenda pa e alumno desayuna bon y trece algo di come y bebe. Esaki debi cu e kantine di scol lo ta cera.
Teniendo na cuenta cu protocol di covid -19, tur alumno mester presenta cu un mondkapje bisti y mantene nan mes na distanciamento social entre alumno y personal di scol.
Nos ta pidi mayornan pa motiva e alumno pa haci su best durante e instroomtoets. E resultado di e instroomtoets ta yuda determina e nivel di estudio di e alumno.
Nos ta desea tur alumnonan hopi exito durante di e instroomtoets.
Be Safe!
Team Startjaar EPB Oranjestad.
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
