Search Facebook Instagram Twitter

Inscripcion online pa Landsexamen 2022

September 1, 2021

Examenbureau di Departamento di Enseñansa Aruba (DEA) ta informa cu inscripcion pa landsexamen MAVO, HAVO, VWO 2022 ta tuma lugar den e periodo di 1 di september pa 30 di september 2021.



Formulario digital

Den cuadro di mehoracion di servicio a digitalisa e proceso di inscripcion: entrante 1 di september 2021 inscripcion pa Landsexamen ta bay online, a traves di un formulario digital. Tur persona cu kier participa na Landsexamen mester yena e formulario di inscripcion digital y upload tur e documentonan rekeri, manera p.e. certificado, diploma, listanan di cifra obteni cu firma oficial y copia di un extracto di registro di Censo di Aruba.

Tur informacion necesario ta publica riba nos website ea.aw riba e pagina di Landsexamen.

Ta urgi un y tur pa por fabor lesa tur informacion, incluso e “Informatiebrochure Landsexamen” y “voorwaarden inschrijving” prome cu yena e formulario di inscripcion online.

Candidatonan cu ta cumpli cu tur regla di inscripcion y a pasa e “screening” ta wordo notifica pa manda online un copia di e recibo di pago of pagonan si ta paga den parti. Pone riba bo recibo(nan) bo nomber y e vak cu bo a paga pe.

Si no entrega tur documento necesario of si e inscripcion drenta despues di dia 30 di september 2021, ya no por procesa e inscripcion. E periodo menciona den ley ta di 1 di september te cu 30
di september.


Unda riba e website mi por haya informacion di Landsexamen?

Riba e pagina principal (homepage) mester busca Landsexamen, bou di letter L den e alfabet menu.


Unda por haya e formulario di inscripcion?

Por haya e formulario digital di inscripcion riba e pagina di Landsexamen: [L] Landsexamen


Info / Contact

Pa mas informacion busca den e alfabet menu riba e pagina principal:

Pa pregunta por tuma contacto cu:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets