Grupo di studiante di NHL Stenden Hogeschool ta stage na Aruba

March 4, 2022

Recientemente Minister di Enseñansa y Deporte (Endy Croes) a reuni cu ehecutivonan di e directiva di NHL Stenden Hogeschool di Hulanda.

Minister Croes a reuni cu Drs. M.T. Otto, vice presidente di e directiva ehecutivo di NHL Stenden y Prof. Dr.Oscar Couwenber, miembro di e directiva. Durante e reunion a elabora riba e ultimo desaroyonan di e programa di ‘stage’ den exterior cu NHL Stenden Hogeschool ta ofrece na su studiantenan.

NHL Stenden Hogeschool na Leeuwarden tin diferente campus na entre otro Hulanda, Bali, Indonesia y Sur Africa. NHL Stenden Hogeschool ta ofrece un tipo di ‘grand tour’ of ‘stage’ y nan tin diferente programa unda cu den e tercer aña di estudio e studiantenan por scoge pa bin haci nan stage na Aruba tambe. E studiantenan por haci nan stage den dies (10) siman of un semester completo cu ta binti (20) siman. Alrededor di mil (1000) studiante pa aña ta haci uzo di e oportunidad aki y a inlcui Aruba den e programa.

E prome diesocho (18) studiantenan ta na Aruba y nan a cuminsa cu nan stage na luna di februari cu e mira cu pa september di e aña aki lo bin mucho mas studiante.