Fundacion Pro Persona cu Dislexia
February 11, 2016
Fundacion pro Persona cu Dislexia a ser funda na februari 2013.
 |
E metanan di e fundacion ta entre otro pa salvaguardia e derechonan di personanan cu dislexia (trastorno cu lesamento) y/of discalculia (trastorno cu rekmento) en particular y di personanan cu discapacidad en general den comunidad Arubiano y otro caminda, den e sentido mas amplio di e palabra. Alabes salvaguardia tur loke ta relaciona directamente of indirectamente cu un ke otro of cu por ta beneficioso pa logra e obhetivo, den e sentido mas amplio di e palabra. |
Entre e medionan cu Fundacion pro Persona cu Dislexia ta uza pa logra su obhetivo tin:
- stimula un maneho consecuente respecto enseñansa na persona cu dislexia y/of discalculia y nan tratamento y remediacion, y un maneho consecuente pa loke ta e exigencianan cu ta pone pa nan (na scol y den comunidad);
- desaroya y/of adapta material di siñamento pa mucha cu ta bay scol cu ta sufri di un of otro tipo di dislexia y/of discalculia;
- organisa actividad pa persona cu dislexia y/of discalculia, pa mayor di mucha cu ta bay scol cu ta sufri di nan, pa esnan cu ta duna enseñansa (maestro) y pa un publico mas amplio tocante dislexia y/of discalculia y nan tratamento y remediacion.
E fundacion por yuda cu dunamento di conseho y training pa mucha y den futuro cercano yega na e posibilidad di test mucha cu ayudo profesional. Mirando cu e fundacion ta hopi jong ainda, na e momentonan aki nan no tin un oficina ainda caminda publico por acudi, pero den futuro nan ta spera di por tin e facilidad aki y haci hopi mas.
Pa mas informacion por tuma contacto cu sra. Eveline Arends via email eveline_sa@hotmail.com of via number di telefon 566-0140.
| Sigui “Enseñansa Aruba | Education Aruba” riba Facebook y/of Twitter pa keda na altura di tur informacion. |
Scroll To Top
