Finalisacion IPA Fall Minor 2023

January 29, 2024

Recientemente un grupo di 16 studiante pasiona a logra completa e minor “Globalisation, Diversity, Multilingualism & Education” na IPA (International Programme Aruba) cu exito.

Nan a inicia e minor desafiantia aki na september. Cu orguyo nan ta mira patras riba un final exitoso di nan periodo di estudio. Dia 12 y 19 di januari nan a presenta nan portofolio y trabou di investigacion durante nan presentacion final na IPA.

E studiantenan dedica aki ta bini di diferente universidad: Hogeschool Rotterdam (PABO), Hogeschool Thomas More, Hogeschool Windesheim, y dos studiante Arubiano Maud Celaire y Kimberlie Jansen di Haagse Hogeschool.

Durante e periodo aki, e studiantenan a haya experencia valioso haciendo nan practica na diferente scol: Mon Plaisir basisschool, Basisschool de Schakel, Colegio Pastor Kranwinkel, Rosario College, International School Aruba, San Antonio Mavo, y Abraham de Veer Mavo.

Nos ta duna reconocemento y gratitud na e scolnan pa nan guia y disponibilidad.

Topico di investigacion

E studiantenan a haci trabou di investigacion riba diferente topico:

1. Marlous Bode – Multilingualidad den kleuterklas
2. Siebe Mels – Gamificacion/wega den enseñansa
3. Laura Koornstra – Tarea creativo den enseñansa di NT2
4. Lotte Tillema – Formanan di trabou cooperativo
5. Cheyenne Baanvinger & Vincent Sels – Motivacion den enseñansa na Aruba
6. Floor van Dijk – Movecion den enseñansa
7. Lotte Brouwers – Influencia di evaluacion riba confiansa propio
8. Lenthe Versendaal – Influencia di entrada/salida iregular riba e ambiente di klas
9. Mirte Hoogedoorn – Dislexia na e scol di practica na Aruba
10. Kimberly Jansen & Maud Celaire – Multilingualidad den enseñansa Arubano
11. Sandhya Khusial – Desaroyo di NT2 den idioma Hulandes
12. Sanne van Dijk & Anne Lodder – Desaroyo di identidad na Colegio Pastor Kranwinkel
13. Arhomi Illidge – Influencia di ambiente di cas riba rendimento di siñamento (The influence of the home environment on the learning performance).

E logro aki ta mustra e diversidad y dedicacion di e studiantenan, caminda nan contribucion ta priminti un impacto balioso den enseñansa. Nos ta felicita nan cordialmente cu e exito completando e capitulo aki di nan biahe academico.