Search Facebook Instagram Twitter

EPE ta aumenta cantidad di curso

July 12, 2021

Mirando e demanda grandi Enseñansa pa Empleo (EPE) lo aumenta e cantidad di curso pa comunidad di Aruba. Lo cuminsa den luna di Juli 2021 cu algun curso parti anochi, y a base di interes tambe durante dia.



E meta di Gobierno di Aruba ta pa mas persona tin un empleo. E pandemia a dal mundo henter y nos pais hopi duro y ta momento pa nos lanta bek. Nos tur lo mester traha mas duro pa hunto recupera nos economia.

EPE ta e pionero den Enseñansa pa Adulto y ta bay logra e meta aki door di crea mas curso nobo cu ta basa riba e necesidad di nos mercado laboral. EPE ta trahando riba nota di un maneho nobo. Nos ta concentra ariba “her-, bij- en omscholing”. Nos lo enfoca tambe ariba “life long learning”. Esaki lo haci EPE un organisacion hopi mas efectivo y eficiente cu lo brinda servicionan nobo na e comunidad di Aruba. Lo bay duna lesnan fisicamente y digital (online).

EPE lo bira un ‘restaurant educativo’, unda e comunidad Arubano por yega y scoge for di e menu di curso a base di su deseo of necesidad.


Curso

E cursonan cu lo cuminsa den luna di Juli ta:

1. Computer basico y avansa.

2. BKB (Basis Kennis Boekhouden )

3. BKC (Basis Kennis Calculatie)

4. Idiomanan di Ingles, Hulandes y Papiamento.

5. Arbeidsrecht 1.

6. Small business.

7. Manicure/Pedicure.

8. Waiter.

9. Bartender

10. Agricultura.

Y mucho mas.

E intencion ta pa esnan cu no ta logra sigui un curso parti anochi, tin e oportunidad pa sigui un curso durante di dia. Nos ta motiva pa sigui cu e proposito di e fundador di EPE, Sr. Mito Croes d.f.m. na aña 20 di April 1988, pa hiba EPE tambe den barionan di Aruba, unda Enseñansa pa Adulto ta mas accesibel pa nos Pueblo.


Info / Contact

Por tuma contacto:

Pa mas informacion por busca den e alfabet menu riba homepage:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets