Search Facebook Instagram Twitter

Entrega buki na BNA den vakantie sin paga boet

June 28, 2017

Entrante diaranson 28 di juni miembronan di Biblioteca Nacional Aruba (BNA) por entrega buki sin paga boet. Esaki ta posibel te diabierna 25 di augustus.

Pa tur miembro di BNA cu tin buki na cas basta dia caba, esaki ta un oportunidad ideal pa evita paga boet. Y e ta atractivo pa studiante y muchanan di scol cu a caba nan aña escolar.

E miembronan di sucursal San Nicolas cu a experencia falta di e facilidad di BNA pa motibo di renobacion di e edificio tambe por beneficia di esaki. Miembronan di biblioteca San Nicolas cu ta biba den becindario di p.e. Savaneta, Pos Chikito y San Nicolas por entrega tur nan bukinan na BNA Oranjestad durante vakantie grandi.

Den vakantie grandi BNA Oranjestad lo ta habri 5 dia pa siman non-stop di 9or di mainta pa 5or di atardi y alabes diaranson anochi di 5or pa 7or.

Biblioteca Nacional Aruba (BNA) ta yama un y tur bon bini pa bishita BNA den vakantie grandi y alabes ta recorda cu ultimo dia pa entrega buki sin paga boet ta diabierna 25 di augustus.

 


Info / Contact

> Biblioteca Nacional Aruba (BNA)

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets