Encuesta pa mayornan di studiantenan den Enseñansa Primario
Departamento di Enseñansa Aruba (DEA) tin e tarea pa traha un maneho integral pa enseñansa primario, pues pa muchanan desde 4 aña di edad.
Actualmente DEA ta den e fase di inventarisacion/analisis hunto cu tur interesado cu tin relacion directo of indirecto cu enseñansa primario.
Bo persona como mayor of persona cu tin custodia di un mucha cu ta den enseñansa preparatorio y basico na Aruba, tambe ta un interesado importante. Pa e motibo aki nos ta acerca bo persona pa participa na e encuesta aki pa nos haya bo opinion riba meta di desaroyo y recursonan importante di enseñansa primario. E data colecta ta keda anonimo y ta exclusivamente pa desaroya un maneho integral di enseñansa primario (preparatorio y basico).
E maneho integral pa enseñansa primario mester sali for di e Plan Educacion Nacional 2030 (PEN2030) cu ta un maneho strategico general di enseñansa cu ta formalisa.
Por fabor primi riba e link akibou pa por yena e encuesta.
E link ta: https://forms.gle/uDvtjx5PFXGaYpZ56
DEA kier gradici tur participante pa e colabracion.
Info / Contact
Pa mas informacion por busca [P] PEN den e alfabet menu riba homepage of por tuma contacto cu DEA afdeling Beleid
Scroll To Top
