Encuesta di e impacto di COVID-19 riba recien graduado
Departamento di Labor y Investigacion (DAO) den colaboracion cu studiantenan di Organization, Governance and Management (OGM) di Universidad di Aruba (UA) ta pidi cooperacion pa participa den e encuesta: “Impacto di COVID-19 riba nos recien graduadonan”. E encuesta lo ta habri for di 25 di mei 2021 te cu 11 di juni 2021.
COVID-19 a ocasiona un pandemia cu a afecta henter mundo. E pandemia no solamente a haci impacto den e area di salud pero tambe a afecta Aruba su economia y mercado laboral. Pa e motibo aki DAO conhuntamente cu studiantenan di UA ta investigando e impacto di e pandemia riba e mercado laboral pa loke ta trata e graduadonan di aña escolar 2018-2019 y aña escolar 2019-2020.
Con pa participa?
E encuesta ta pa studiantenan cu a gradua durante e aña escolar 2018-2019 of aña escolar 2019-2020 y cu ta interesa pa subi mercado laboral di Aruba. Bo ta cordialmente invita pa yena e encuesta aki si bo a gradua na Aruba of den exterior y si bo ta interesa pa drenta mercado laboral di Aruba.
E encuesta ta completamente anonimo y lo uza e resultadonan pa e investigacion aki solamente. Si bo persona ta cumpli cu e rekisito ariba menciona, nos ta encurasha bo persona pa participa door di yena e encuesta aki. Nos kier a gradici bo persona di antemano pa bo cooperacion.
Por yena e encuesta aki:
Info / Contact
Pa cualkier pregunta of pa mas informacion, por tuma contacto cu Bureau Arbeidsmarktonderzoek di DAO na number di telefon 523 7718 of manda un email pa simon.brete@aruba.gov.aw of survey2021graduates@gmail.com.
Scroll To Top
