Embahada di Canada cu informacion pa Studiante
Diamars dia 23 di februari proximo Ministerio di Enseñansa hunto cu representantenan di Embahada di Canada na Caracas lo tene un anochi di informacion pa tur hoben di Aruba cu ta interesa pa sigui studia na Canada.
 |
Minister di Enseñansa Michelle Hooyboer-Winklaar na nomber di Gobierno di Aruba, a formalisa diferente acuerdo na Merca y Canada cu ta garantisa areglonan special na beneficio di nos studiantenan di Aruba. E acuerdonan aki ta brinda nos studiantenan mas opcion pa studia na un prijs mas faborabel.
Na 2015 a firma acuerdo cu Seneca College estableci na Toronto Canada, pa hobennan di Aruba por ricibi un descuento substancial di 30% riba gastonan di estudio. Esaki ta aplicabel pa e mas cu 290 programa di estudio cu Seneca College ta ofrece. |
E areglo aki ta un ehempel di beneficio grandi pa nos studiantenan y ta haci Canada asina un opcion mas accesibel y atractivo.
Durante e sesion di dia 23 di februari proximo, e representantenan di e Embahada di Canada lo duna informacion amplio riba tur posibilidad cu Canada tin pa ofrece na nos studiantenan.
Ademas di e diferente opcionnan pa estudio lo duna informacion tocante e proceso di visa pa por studia na Canada. E representantenan lo por contesta tur pregunta referente studiamento y e proceso di visa.
Ta invita tur esnan cu ta interesa pa sigui studia na Canada of esnan cu ainda no sa na unda nan lo desea di sigui studia pa atende e anochi di informacion aki diamars dia 23 di februari pa 7or di anochi na e Collegezaal di Colegio EPI.
Info / Contact
Pa mas informacion por busca den e alfabet menu riba homepage: [S] Studia na Canada of por tuma contacto cu DEA > afdeling Studiefaciliteiten.
Scroll To Top
