E-ticket pa studiantenan cu Arubalening
Departamento di Enseñansa Aruba (DEA) ta informa tur studiante cu a aplica pa un Arubalening cu Reisticketkrediet pa bay studia na Hulanda entrante augustus 2026, atencion pa e proceso pa haya E-ticket.
E-ticket
Den e aanvraagformulier den e Arubalening Portal, e studiante por wak na “aanvullend product” si a pidi pa un “Arubalening NL Reisproduct”. Si e studiante a scoge pa un “Reisticketkrediet”, e studiante aki ta biaha cu e grupo.
E compania Discovery Travel, ubica na Renaissance Marketplace, ta e compania cu lo percura pa entrega di e “E-ticket” na e studiantenan cu ta biaha den e grupo cu Arubalening.
Despues cu e studiante entrega su “Overeenkomst tot geldlening” y su “Verklaring van toekenning” na seccion Studiefaciliteiten di DEA, e studiante por tuma contacto cu Discovery Travel pa cuminsa e proceso pa haya su “E-ticket”.
Pa “book” e “reisticket” y ricibi e “E-ticket” e studiante mester entrega na Discovery Travel via email info@discoveryaruba.com:
- Copia di paspoort
- Copia di Verklaring van toekenning
Por haci esaki entrante awe te cu 26 di juli 2026. Discovery Travel na su turno lo manda e “E-ticket” pa e studiante via e-mail.
Fecha di biahe
E fecha di biahe pa Hulanda pa aña 2026 ta dia 5 di augustus 2026.
Info / Contact
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Sigui nos via e social media pages:
- DEA facebook: @educationaruba
- DEA instagram: @educationaruba