Search Facebook Instagram Twitter

E siman entrante ta tuma decision riba aña escolar nobo

August 9, 2020

Prome Minister (Wever-Croes) a informa cu Crisis Team hunto cu e veld di enseñansa, e siman aki ta reuni pa tuma desicionnan riba e aña escolar nobo dilanti porta.



E veld di enseñansa ta sigui e desaroyonan nobo di COVID-19 y hunto cu Crisis Team ta bay planea si scol ta habri e siman proximo y con scolnan lo habri si esaki ta e caso.

Ya prome cu vakantie, Crisis Team y e veld di Enseñansa a traha riba algun plan di contingencia cualnan ta riba mesa pa deliberacion e siman aki. Lo scoge cua ta e miho plan na bienestar di alumnonan y docentenan.
Prome Minister Evelyn Wever-Croes ta pidi comunidad pa tene pasenshi mientras cu reunionnan ta andando y decisionnan tin di wordo tuma pronto. “Nos ta den temponan cu hopi reto, incluyendo enseñansa den e tempo dificil aki. Nos ta keda en espera di decisionnan di e prome plan di contigencia cu lo wordo tuma e siman aki den e reunionnan di Crisis Team y e veld di Enseñansa pa asina informa docentenan, alumnonan, mayornan y comunidad henter debidamente”, Prome Minister a duna di conoce.

Lesa e comunicado di Gobierno di Aruba di dia 9 di augustus 2020:



Fuente:


Info / Contact

Ministerio di Enseñansa

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets