DUO ta bishita Aruba
October 2, 2023
Dienst Uitvoering Onderwijs (DUO) lo ta na Aruba di 10 pa 20 di october 2023 pa organisa algun encuentro di informacion tocante aplicacion pa financiamento di estudio. Tambe lo habri un oficina di servicio temporal pa asisti e studiantenan.
Studiefinanciering
Informacion pa studiantenan cu kier bay studia na Hulanda
Abo tin pensa di bay studia na Hulanda e aña academico venidero? Registra bo mes e ora ey pa e encuentro informativo “Studiefinanciering aanvragen vanuit het Caribisch gebied” cu lo tuma luga diamars 10 of diaranson 11 di october, pa 7 or di anochi na Aruba.
Durante e encuentro bo lo tende di kico financiamento di estudo ta consisti, con y ki ora bo mester pidi financiamento di estudio y kico mas bo tin cu regla. Naturalmente tin espacio tambe pa haci pregunta. Pa acudi na e encuentro mester registra aki:
Studieschuld
Informacion pa esnan cu tin cu paga nan debe di estudio bek
Bo kier papia cu un colaborador di DUO? Di 10 te cu 20 di october DUO ta habri un oficina di servicio temporal na Aruba. Bo por acudi eynan cu tur bo preguntanan tocante pagamento bek di bo debe di estudio y pa ayudo cu yenamento di formulario. E colaboradornan por yuda bo tambe si bo no tin acceso (mas) na Mijn DUO. Bo no mester traha afspraak di antemano. Bo mester bin si cu un documento di legitimacion. Bo no a pidi reduccion di bo suma mensual ainda? Trece e ora ey tambe un declaracion di entrada (“inkomensverklaring”) di Departamento di Impuesto (DIMP) di 2021 y 2022. Wak pa mas informacion riba:
Peticion pa reduccion di suma di pago mensual
Algun ex-studiante cu ta pagando nan debe di estudio, hopi biaha ta pagando un suma mensual mas halto cu loke ta necesario. Esey mayoria biaha ta pa motibo cu e entrada di e persona cu ta pagando bek no ta conoci cerca DUO, di forma cu no ta tene cuenta cu esey ora di calcula e suma mensual. Hopi di esnan cu ta pagando bek no sa cu nan mes por pidi reduccion di e suma mensual y cu nan mes mester indica nan entrada mensual tambe. Ademas, despues di recalculacion, e suma mensual nunca lo no surpasa e suma mensual original.
Esnan cu ta pagando bek cu ainda no a pidi reduccion di e suma mensual lo ricibi mester a ricibi un e-mail di DUO na september. Den e e-mail tin para kico nan por haci. Nan ta bonbini tambe na un di e oficinanan di servicio temporal di DUO pa pidi e reduccion of pa haci pregunta tocante e topico.
Pa yuda cu e peticion pa reduccion di e suma mensual DUO a crea un checklist:
Webinar: Terugbetalen vanuit het Caribisch gebied
Den e webinar “Terugbetalen vanuit het Caribisch gebied” DUO ta duna splicacion tocante entre otro peticion pa reduccion di e suma mensual, indicacion di e entrada y e bentahanan di pagamento local. E webinar ta gratis y disponibel cu subtitulo na ingles.
Den e webinar aki bo ta tende mas tocante:
- E suma mensual y con largo bo ta paga bek
- E diferente reglanan pa paga bek
- Kico bo por haci si bo suma mensual ta mucho halto
- Con bo ta informa DUO di bo entrada y dicon esaki ta importante
- Con pagamento local ta bay
- Keda sin pega bek, si pa un periodo bo no por paga bek
Desde dialuna 25 di september bo por wak e webinar gratis riba:
Oficina di servicio temporal na Aruba
Pa pregunta tocante pagamento bek di e debe di estudio na DUO of tocante financiamento di estudio, por pasa na un di e oficinanan di servicio temporal. E colaboradornan por yuda tambe cu yenamento di formulario of si un persona no tin acceso mas na Mijn DUO.
Ex-studiantenan cu ta pagando un debe di estudio bek por pidi un reduccion di e suma mensual na e oficina di servicio. Lo ta bon si por trece un declaracion di entrada (“inkomensverklaring”) di Departamento di Impuesto (DIMP) di 2021 y 2022, di e manera aki e colaboradornan di DUO por yuda inmediatamente.
Pa bishita un di e oficinanan di servicio bo no mester traha un afspraak di antemano. Si bo mester trece un documento di legitimacion valido. Pa informacion di fecha, orario y localidad:
Mas informacion
Bo tin mas pregunta ainda despues di e bishita di DUO na Aruba? E ora ey bo por videocall cu DUO of un colaborador di DUO por yama bo. E-mail tambe por. Wak pa tur posibilidad di contacto riba:
Info / Contact
Scroll To Top
